Actualidade do Grupo Municipal Popular

Castiñeira presenta unha batería de preguntas sobre o parque de paneis solares do Ceao

2010-03-04T23:40:00.000+01:00

• Jaime Castiñeira levará á Comisión de economía preguntas para ver qué rendemento e qué custe está a ter esta infraestrutura

• O voceiro popular critica o estado no que se atopan algunhas das placas, xa rotas despois de só uns meses de funcionamento

• Castiñeira “en lugar producir enerxía a planta está xerando un gasto de consumo para as arcas municipais

Xoves, 4 de Marzo de 2010.- O voceiro popular Jaime Castiñeira anunciou esta mañá que presentará, na comisión de economía, unha batería de preguntas sobre o parque de paneis solares do Ceao.

Castiñeira quere saber a "situación real" na que se atopa este servizo. Entre outras cousas os populares piden que se aclare cando se leva investido nesta infraestructura, así como unha estimación do custe que se precisaría para o seu arranxo para que puidese entrar en funcionamento. O voceiro popular cuestiona tamén cantos colexios visitaron as instalacións e que función lle pensan dar, entre outras preguntas.

O popular Jaime Castiñeira tamén pedirá permiso para poder realizar unha visita oficial ao parque de paneis solares do Ceao.

Deficiencias.-

Castiñeira lamentou que hai que desfacer unha instalación recentemente montada por unha cuestión de mala xestión. En concreto, o voceiro popular manifestou que xa hai que repoñer unha de cada catro placas instaladas. “Non están correctamente instaladas, con cables e tubos por riba cando as placas deberían estar por baixo das mesmas para non dificultar a entrada de luz solar e que se poida xenerar a maior enerxía eléctrica posible”. Castiñeira subliñou que “en lugar de producir enerxía están a xerar un maior consumo”.

Gato por lebre.-

Jaime Castiñeira advirtiu de que este proxecto, "un de tantas outras ideas brillantes que teñen Orozco e os seus equipos", saíulle bastante máis caro aos lucenses que o aforro que pretendía conseguir. “Non está a xerar os beneficios que calculaban” puntualizou Jaime Castiñeira.

A concelleira de Economía e Emprego Sonia Méndez calculaba que os lucenses aforraríamos uns 16.000 euros anuais con esta instalación, pero o certo é que, segundo Castiñeira "moito nos tememos que Orozco nos volveu dar gato por lebre", xa que a reparación destas incidencias vai supoñer un gasto relevante para as arcas da cidade.

O gmpp denuncia unha nova chapuza do goberno local en viais do CEAO

2010-03-04T23:39:00.000+01:00

· O compromiso urxente de Orozco de arranxar os socavóns do polígono limítase a facer uns parches que aos dous días se levantan

Xoves, 4 de marzo de 2010.- O gmpp denuncia que pasaron case dous meses dende que o goberno local se comprometeu a arranxar “de xeito urxente” os socavóns da rúa da industria e a da rúa Agricultura do polígono do CEAO.

No mes de xaneiro, logo das protestas dos industriais e das denuncias do Partido Popular, se taparon os “socavóns máis fondos cuns cestos de grava”. Este mesmo luns, o goberno local volvía aos mesmos puntos onde actuo en xaneiro: “os remendos” da política de parcheo que caracterizan ao señor Orozco provocan estas “ridículas situacións” que o único que fan é provocar molestias aos industriais deste polígono.

A solución do responsable de obras “novos cestos de grava” para tapar de “forma provisional os socavóns profundos desta vía”. Castiñeira auguralle pouco futuro a estes parches (realizados luns e martes 1, 2 de feb) que como xa se pode apreciar se volven a desfacer

Os populares ironizan coa “velocidade de cruceiro” coa que traballa o goberno de Orozco que “e polo que eles entenden por urxencia”. Chama a atención que non pasase ningún proxecto para arranxar esta e outras vías en estado lamentable do CEAO nin por xunta de compras nin por mesa de contratación.

Lembrar como o Partido Popular pediu o pasado 8 de xaneiro que os 180.000 euros remanentes do FEIL se utilizasen precisamente para o arranxo dos viais do polígono. A resposta do goberno local é que non era posible e foi daquela cando anunciaba un arranxo urxente en vía do CEAO.

Castiñeira solicítalle sensibilidade a Orozco para adecentar o local da Asociación de Radiotaxistas

2010-03-04T23:32:00.000+01:00

• Jaime Castiñeira visitou o local do colectivo de taxistas e comprobou que as goteiras ameazan o novo equipamento tecnolóxico, cuxa inversión ascende a preto de 200.000 euros

Mércores, 3 de Marzo de 2010.- O voceiro popular Jaime Castiñeira solicitoulle sensibilidade ao alcalde co local da Asociación de Radiotaxistas.

Castiñeira visitou o centro e comprobou que as goteiras alí existentes ameazan a recente remodelación tecnolóxica que acometeu a directiva. O voceiro popular explicou que "acaban de gastar case 200.000 euros nun novo sistema de localización GRPS", polo que non entende que a deixadez de Orozco poida dar ao traste con esta mellora.

As goteiras xa provocaron incidentes laborais como caídas en parte da plantilla. O popular teme agora que a mala situación do teito poida afectar ao equipamento informático. A xuízo de Castiñeira, o alcalde, inda "que presume de social", fai caso omiso ás reivindicacións do colectivo, a pesar das peculiaridades que esixen unha atención preferente: un plantel de case cen persoas, entre taxistas con licenza en propiedade, condutores asalariados por estes taxistas e operadores que atenden as chamadas na oficina.

O voceiro popular sinalou que se trata dunha infraestrutura "que deixa moito que desexar", polo que "o mínimo que podemos facer é adecentarlles o mal lugar que teñen". Trátase dun recinto minúsculo onde traballan seis persoas, todos eles con discapacidade física.

Castiñeira recalcou que, dende que en 1997 Joaquín García Díez inaugurou a sé da asociación, os taxistas non recibiron un só euro do concello. En concreto, Orozco só abonou os gastos derivados das avarías de auga, tendo que abonar a asociación todas as outras inversións.

O GMPP denuncia o total abandono de Orozco coas costas do parque Rosalía de Castro

2010-03-04T19:16:00.001+01:00

· A concelleira popular Teresa Taboada pregunta pola retirada dos xogos infantís e solicita que se repoñan os divertimentos de cara á primavera

· Travesaños das escaleiras carcomidos e soltos, bancos sen respaldo, grafitis, fontes que non funcionan e árbores caídos non retirados son a tarxeta de visita do pulmón do centro de Lugo

Mércores, 3 de Marzo de 2010.- O GMPP denunciou esta mañá en rolda de prensa o estado de "total abandono" ao que o alcalde Orozco somete as costas do parque Rosalía de Castro.

A concelleira popular Teresa Taboada preguntou por que se retiraron os xogos infantís que había na explanada das costas do parque. A edil manifestou que "sen que os lucenses teñamos ningunha explicación, o certo é que os nosos nenos non poden xogar nas costas dende antes de san Froilán".

Taboada demandou ao concello qué plans teñen para os divertimentos e aproveitou para solicitar que a reinstalación dos xogos infantís, que "espero que estean nun tempo récord", se faga "nun lugar axeitado lonxe das atraccións de san Froilán", posto que o Concello demórase demasiado na retirada dos restos de anclaxes, coas situacións de perigo que entrañan.

Taboada exhibiu tamén ante os medios de comunicación fotos de situacións tan variopintas como perigosas:

· Moitos remates das escaleiras de madeira están carcomidos e soltos, co risco de tropezar neles ao camiñar. Nalgún burato chegan a caber zapatos de nenos. Outros travesaños faltan directamente ou teñen unha forma cóncava que incluso sería difícil de deseñar a propósito.

· Os bancos son unha superficie que entraña sorpresas, posto que tanto podemos atoparnos con que non existe respaldo (quizais sexa o modelo washingtoniano) ou que estas superficies están recubertas de graffitis. Así, un pode decidir entre non sentarse porque non hai respaldo ou porque están sucios e cheos de pintadas.

· Os artistas dos graffitis tamén exhiben a súa arte en paredes, en fontes… Calquera superficie lles vale aos autores das pintadas. O grafólogo que ía contratar o concello, e do que nunca máis se soubo, tería moito traballo nas inmediacións das costas do parque.

· Orozco preséntanos ademais unha idea innovadora para as fontes. Non botan auga e están totalmente oxidadas, case da cor da Coca-Cola. Pode que sexan manantiais de refresco e o alcalde estea esperando á campaña para anuncialo.

· Pero as sorpresas non rematan aí, dado que tamén atopamos a proposta de árbore para a primavera do 2010: caída e coas ramas á altura do chan.

Teresa Taboada pensa que urxe a "revalorización deste espazo natural" para "non sermos os lucenses os últimos en valorar as zonas verdes". "Non é menos importante un parque cá Muralla", matizou a concelleira. Taboada recordou tamén as vantaxes de contar cunhas costas en bo estado, posto que moitos lucenses poderían aproveitar para pasear polas inmediacións. A edil popular cre que "é urxente a posta en marcha de actuacións específicas, dado que faltan tres semanas para a chegada da primavera", unha etapa na que os máis pequenos deberían poder disfrutar dos espazos verdes da cidade.

O gmpp reclama o cumprimento da ordenanza de venda ambulante no mercadiño de Frigsa

2010-03-02T18:32:00.001+01:00

· Alicia Peña: “A deixadez do goberno local provoca que cada vez se instalen máis feirantes sen permiso onde lles peta”

· Os populares queren saber cantas tarxetas expediu o concello dende que no ano 2006 entrou en vigor a normativa que regula a venda ambulante

Martes, 2 de marzo de 2010.- O gmpp acusou hoxe ao goberno local de dárlle a espalda á ordenanza que regula o mercadillo de Frigsa “se incumpre sistemáticamente a normativa tanto en cuestión de acreditación dos vendedores ambulantes como na situación dos postos”. Alicia Peña explicou que resulta “caótico e terceiro mundista” comprobar como “as entradas ao recinto tanto por Monte Faro, como a principal do parque de Frigsa son intransitables, debido a que os vendedores ilegais campan as súas anchas incluso algún pon os postos no medio dos corredores estorbando o paso dos clientes, ou o que é peor, cortando o paso de entrada a vehículos de emerxencia”.

Alicia Peña denuncia o incremento do intrusismo neste mercadiño co visto bo do goberno de Orozco “hai unha falla de control e un pasotismo que está afectando á imaxe deste ferial e que produce un descontento xeralizado entre os feirantes que pagan cada trimestre os 160 euros estipulados”.

Petición de explicacións.-

Para demostrar a “desidia e o abandono” do concello, á hora de cumprir a ordenanza “que eles mesmos aprobaron”, a concelleira do gmpp, Alicia Peña Murias, anunciou que presentará unha batería de preguntas.

Entre outros aspectos os populares solicitarán información sobre o número de vendedores que solicitaron a tarxeta trimestral de permiso de venda ambulante dende o ano 2006 (data na que entrou en vigor a nova normativa); o número de tarxetas expedidas e os ingresos percibidos.

Peña lamenta o desinterese do goberno local por relanzar este mercadito “foron reacios á hora de actualizar a ordenanza que se renovou en 2006 logo da persistente insistencia por parte do Partido Popular e agora que teñen a normativa son incapaces de facela cumprir”.

Dende o grupo popular o que se solicita é que se garanta o cumprimento do artigo 10 desta ordenanza na que se recolle que “é competencia do concello o exercicio da intervención administrativa, as funcións de autoridade, policía e inspección de postos situados no mercado”.

“Si hai unha ordenanza que se cumpra” insistiu Alicia Peña a quen lle chama a atención a contradicción do alcalde “que pasa do pasotismo con este colectivo fronte ao estricto cumplimento que impón aos comerciantes do casco histórico no que respecta ao cumplimento da normativa do Pepri”.

O GMPP critica a prepotencia e o talante non democrático de Orozco no pleno de onte

2010-03-02T18:31:00.000+01:00

· O voceiro popular Jaime Castiñeira censurou a actitude do alcalde, quen interrompeu "cada dous por tres" as súas intervencións

· A pelexa entre Laxe e Orozco sobre a titularidade da concellería de Augas no bipartito local amosa os perigos deste tipo de coalicións ou, como dixo o alcalde, "estranos compañeiros de cama"

Martes, 2 de marzo de 2010.- O GMPP valora de forma positiva que todas as iniciativas presentadas no pleno do 1 de marzo foran aprobadas por unanimidade. O voceiro popular, Jaime Castiñeira, cre que o apoio recibido amosa que o Partido Popular está levando a cabo unha oposición constructiva e responsable. Afirmou que “buscamos resolver problemas”, de aí que socialistas e nacionalistas dean luz verde ás iniciativas populares.

Con respecto á confección dunha planimetría completa da rede de auga en Lugo, os populares acusaron ao equipo de Orozco de actuar con “hipocrisía e cinismo político”. A xuízo de Castiñeira, é curioso que, por un lado, afirmen que xa teñen a práctica totalidade do traballo feito e que, polo outro, convoquen unha reunion para analizar a iniciativa que o GMPP levaba a pleno.

"Os datos do rexistro están aí", subliñou o voceiro, quen explicou que a reunión á que aludía onte o concelleiro de Infraestruturas se celebrou "unha semana despois de presentar a nosa proposición". "Como pode explicar o señor Piñeiro que se reúna cos técnicos para analizar e ver canto custa algo que, según el, xa está feito", preguntouse Jaime Castiñeira.

“O único que quedou claro da súa explicación é que non houbo unha análise adecuada e que a crise da auga se xestionou dunha forma nefasta”, matizou o voceiro popular. E, mentres tanto, o alcalde presume dos seus concelleiros e, inda por riba, felicítaos.

Queixa prepotencia Orozco.-
O voceiro popular queixouse ademais da actitude do alcalde durante o pleno “por interrumpir de forma constante”. Jaime Castiñeira lamenta a preopotencia que da que fai gala Orozco “non lle gusta escoitar as verdades e intenta achicar e amordazar á oposición”. "O que un día presumiu de ser sumo sacerdote da democracia parece que non lle queda nada nin de sumo nin de sacerdote", posto que "fixo gala dunha actitude moi pouco ou nada democrática".

Por outra banda, a Castiñeira chamoulle a atención o “rifirrafe entre PSOE e BNG”, xa que ambos eludiron responsabilidades sobre quen foi o concelleiro encargado da xestión da auga durante o bipartito no concello. O voceiro popular advirtiu de que “así funcionan os bigobernos”.

O GMPP acusa ao goberno local de “infrautizar” un local cedido , en A Coruña, para promocionar Lugo

2010-02-27T23:16:00.000+01:00

• O espazo acondicionado no Dolce Vita leva case medio ano abandonado. Nas estanterías non hai nin tan sequera folletos informativos que sirvan de reclamo aos posibles turistas

Venres, 26 de febreiro de 2010.- O GMPP lamenta que o local que cedeu un centro comercial da Coruña ao concello de Lugo para promoción da cidade estivese, durante case medio ano “infrautilizado”. A concelleira popular, Cristina Ares, criticou que o goberno local tivese abandonado este espazo no que nin tan sequera hai folletos informativos “o que demostra unha total desidia. A cesión deste local só serviu para facerse a foto de turno coincidindo co San Froilán, nada máis”.

Na xunta de compras do venres 26 de febreiro aprobouse unha proposta de gasto de 2308 euros para acondicionar de novo este local con “estructuras e vitrinas de cristais novas de cara a potenciar os actos do Lugo 10”. Os populares agardan que este gasto, por fin, sirva para facer unha promoción real e que se dé contido a este local “fuxindo da política de fume a que nos ten habituados o señor Orozco”.

O GMPP quere saber cómo están os trámites para que o goberno local reciba a urbanización da Quinta de Pérez

2010-02-26T23:17:00.000+01:00

· Os veciños da asociación de Quinta de Pérez-Río Sil, que se reuniron hoxe con Castiñeira, síntense “ninguneados polo alcalde” xa que non saben nada do compromiso que lles fixo hai Orozco 5 meses

· En a penas un mes, o GMPP peinou máis de 115 rúas e unha vintena de parroquias do concello

Venres, 26 de Febreiro de 2010.- O voceiro popular Jaime Castiñeira, anunciou que pedirá explicacións na vindeira comisión de urbanismo sobre en que punto están os trámites para que o concello reciba a urbanización da Quinta de Pérez.

Castiñeira escoitou, esta mañá, nunha reunión que mantivo cunha representación da Asociación veciñal Quinta de Pérez-Río Sil, as demandas veciñais e atendeu ás explicacións dos beneficios que lles reportaría a consideración dos terreos como titularidade municipal.

Este colectivo informou ao popular que nas próximas horas presentarán un escrito no resistro xeral instando a que o concello reciba estes terreos. O documento será presentado, de xeito inminente, no rexistro xeral do municipio.

Os propios habitantes da Quinta de Pérez amosáronse indignados co alcalde e trasladáronlle a Castiñeira o seu malestar porque Orozco comprometerase a asumir a zona fai case cinco meses. "Cada vez menos lucenses cren no estamos nelo do alcalde", subliñou o voceiro popular. Os veciños están decepcionados co rexedor, posto que, a día de hoxe, inda non teñen resposta do socialista.

Os residentes quéixanse do estado de deterioro da pista polideportiva e do parque, polo que urxen ao concello a acelerar a recepción dos seus terreos para o adecentamento da zona. Outra petición é a relacionada coa distribución interna de viais e xardíns, xa que sería aconsellable facer modificacións na súa ubicación con vistas a facilitar os xiros de camións e de vehículos de emerxencia.

Balance de visitas.-

A visita á Quinta de Pérez súmase ao longo percorrido que os populares están facendo por todo o concello: Bispo Aguirre, Avenida de Madrid, rúa Salmón, Galegos, San Eufrasio, parte da Avenida da Coruña, Camiño Real, Avatarda, rúa Portugal, rúa Tui, Carril dos Loureiros, Recatelo, Cedrón del Valle, Cidade de Viveiro, Vilar de Sarria, Rúa Montirón, Carril dos Indios, Paxariños, Avatarda… Así ata sumar un total de 117 rúas repartidas en sete seccións de catro distritos distintos. A intención é ter detectados antes do verán todos os problemas do municipio, polo que o GMPP traballa "a destallo cos e para os lucenses".

O GMPP insta a Orozco a reorganizar o servizo do Rexistro xeral do Concello para evitar colas

2010-02-26T23:16:00.000+01:00

• Os populares levan unha iniciativa ao pleno logo das numerosas queixas recibidas na Comisión de Suxestións de persoal municipal e de veciños

• A edil Cristina Ares fixo esta solicitude por mor da incapacidade do goberno municipal de culminar a primeira fase da administración electrónica

Venres 26 de Febreiro de 2010.- O GMPP instou a Orozco a reorganizar o servizo do Rexistro Xeral do Concello para evitar as colas que se forman.

Os populares presentaron unha iniciativa a pleno para que o goberno municipal estude a maneira de atender ao público máis rapidamente, sobre todo nos momentos de máxima afluencia dos cidadáns. A concelleira popular Cristina Ares lamentou que "os lucenses perdan moito tempo esperando colas neste servizo".

Falla da administración electrónica.-

Esta demanda chega logo de que Orozco se amosase incapaz, "por enésima vez", de cumprir cun compromiso seu. En concreto, o goberno municipal non foi quen de cumprir a súa promesa de culminar satisfactoriamente a primeira fase da administración electrónica. "Por culpa da súa ineptitude, os cidadáns teremos que seguir facendo cola nas dependencias municipais", polo que Ares entende que "o mínimo que podemos esixir é que se solucione este problema".

A concelleira popular manifestou que a Comisión de Suxestións e Reclamacións que ela preside ten recibido queixas polo mal funcionamento do Rexistro, algo que tamén tensido obxecto de denuncia tanto por parte de entidades veciñais como da propia xunta de persoal do Concello

Castiñeira acusa ao alcalde de cobardía política por eludir responsabilidades na recepción dunha obra inacabada

2010-02-26T23:15:00.000+01:00

· “Se pensan que con ameazas nos van a achicar están moi equivocados”

· Os populares acusan a Orozco de tomar o pelo aos veciños de Galegos ao decir que a obra está rematada ese é o modelo socialista: “deixar todo a medias”

Xoves, 25 de febreiro de 2010.- O gmpp mantén a súa postura no tocante á denuncia que fixo con respecto da obra de saneamento e abastecemento en Galegos. Jaime Castiñeira replica ao alcalde que si ten dúbidas sobre a acusación cursada “está no seu dereito a estudar as medidas oportunas”.

“Dixen o que hai, e me ratifico”. A obra inacabada de Galegos foi recibida o día dez de novembro. O goberno a deu por terminada e aceptando a certificación.

Os únicos que enganan aos veciños con “lapsus” son outros lembrando a afirmación do alcalde en Nadela de que había un proxecto feito, e pagado polo concello de reforma da nacional VI”.

Castiñeira considera unha cobardía política que o goberno local pase a responsabilidade aos técnicos municipais. “É un goberno que non asume as responsabilidades que lles corresponde”.

O modelo socialista “deixar a medias” as obras.-

O voceiro popular se ratifica en que a obra de Galegos non está acabada . ¿Desde cando as tapas dos depósitos se fan con táboas de encofrado?, ¿desde cando aos poucos de recibir unha obra esta se desfae cun pé?. Ese é o modelo socialista “deixar as cousas a medias” pero ao PP non lle vale. Se fae dous meses estaba rematada non pode hoxe estar así.

Aos populares non lles valen as disculpas do tempo porque esta obra de Galegos fíxose en outubro, e primeiros de novembro onde as inclemencias climáticas foron as normais de cada ano. “Que miren ben o calendario, ao mellor para o goberno municipal facía un tempo diferente que para o resto dos lucenses”.

O decreto da obra de saneamento e abastecemento de Galegos é de novembro do ano 2008 e a obra estaba programada dende xaneiro de 2009 (foi aprobada polo goberno de ZP o 27 de xaneiro de 2009). O prazo de execución era de catro meses.

Intento de amordazar á oposición.-

Os populares puxeron de manifesto que con reaccións coma estas “non van a amordazarnos”. “Non é este o primeiro intento”, puntualizou Castiñeira.

“Se pensan que con ameazas nos van a achicar están moi equivocados”. “Se poñan como se poñan o grupo popular seguirá facendo o traballo de fiscalización de forma seria e responsable, sempre pensando no beneficio de todos os lucenses”.

Os populares cren que o goberno de Orozco está á defensiva dun xeito esaxerado . “Si se pon así a 15 meses das eleccións como reaccionarán máis tarde. Están máis nerviosos do que pensabamos”, puntualizou Jaime Castiñeira.

Castiñeira interpreta as declaracións de Orozco como un "arrebato de nerviosismo"

2010-02-25T09:12:00.000+01:00

· “Esta inseguro porque falta pouco para as eleccións e o resultado da súa xestión é un fracaso”

· Os populares queren saber se o alcalde xestionará un local máis próximo, para que nas vindeiras eleccións municipais, as 2.179 persoas censadas nas inmediacións da Fonte dos Ranchos e A Cheda podan exercer o seu dereito a voto

Mércores, 24 de febreiro de 2010.- “Orozco tivo un arrebato”, está nervioso porque “non ve claro o seu futuro político, e porque o balanzo da súa xestión é moi pobre pese a levar once anos no goberno”. Deste xeito respostaba o voceiro popular ás declaracións do alcalde nas que cualificaba de “saída de ton a petición que formulou para buscar un local novo para que os 2.179 veciños censados en Ronda do Carme, Praza de Simón Bolivar, Avenida das Américas, e Marqués de Ombreiro, Fonte dos Ranchos … tivesen as urnas para votar máis cerca, xa que arestora teñen que votar no edificio do Palomar”.

Jaime Castiñeira explicou que a proposta de reubicar as tres mesas que hai no Palomar responde a unha cuestión de sentido común plantexada polos veciños. Dende o grupo popular non se pon en dúbida o traballo dos servizos municipais senon a “falla de traballo do alcalde”.

De feito, Castiñeira sumouse á felicitación feita, no seu día, por García Díez ao informe realizado por actas pero lamenta que non se dese cumprimento ainda a esta reivindicación veciñal.

Castiñeira pídelle a Orozco que lea detidamente o contido completo do informe e insiste en que pasou máis dun ano sen que o goberno local habilitase locais alternativos para que votasen s veciños da Cheda. “Fai 14 meses valía o do estamos nelo, pero hoxe xa tiña que estar feito”, puntualizou Castiñeira.

Castiñeira insistiu en que “pese a que ao rexedor lle moleste que cada pouco lle recordemos os seus incumprimentos, dende o grupo popular seguiremos presentando, as veces que faga falla, iniciativas para que se dean solucións ás demanda veciñal”.

Tal e como xa se anunciou, Castiñeira preguntará na xunta de voceiros deste venres en que situación están os trámites para reubicar as tres mesas do Palomar e a da rúa Mondoñedo. Entre outras cousas o que plantexaba o informe era realizar:

“Un estudo que determine a poboación por rúas para facer unha nova avaliación que deixe un mínimo de 500 e un máximo de 2.000 electores por sección ( o aconsellable é 1.200 por mesa)”.

O voceiro popular tamén quere saber se Orozco xa cursou unha resolución propoñendo a modificación do seccionado ao INE en aras a solucionar a petición dos veciños da zona.

O GMPP denuncia as consecuencias da falta dun Plan de Mantemento Municipal para o rural

2010-02-25T09:11:00.000+01:00

· O edil Manolo López criticou o mal estado das pistas e o despilfarro que provoca a ausencia deste Plan

· O concelleiro sinalou ademais que Orozco non limpou nunca as cunetas das pistas do rural

· O GMPP xa visitou Muxa, Pedreda, Santa Comba, Nadela, Recimil, San Mamede dos Anxos…

Mércores, 24 de Febreiro de 2010.- O GMPP denunciou esta mañá en roda de prensa as consecuencias da falta dun Plan de Mantemento Municipal para os 500 quilómetros pistas no rural.

O concelleiro Manolo López sinalou que a falta deste Plan provoca situacións tan curiosas como que nunha pista de Recimil naza un "manantial" no medio do vial. O popular denunciou a existencia de innumerables baches na pista de acceso de Nadela a Recimil, zona de Nadela, entorno de Santa Comba, Tirimol, Muxa, Coeses… "Dicir qué pistas están afectadas sería como enumerar todas as parroquias do rural, agás os viais que van ás portas dos pedáneos", resumiu Manolo López.

Pola contra, se o equipo de goberno puxese en marcha o plan de actuación, os veciños de Lugo aforrarían moito diñeiro e as pistas estarían en mellor situación. O concelleiro recalcou que, ao non existir esta política de mantemento, só se actúa tarde e mal, é dicir, "a salto de bache", cando as pistas xa están cheas de socavóns, polo que o custe é moito maior. Amais, o mal estado das cunetas provoca que a auga transcorra polo firme dos viais, co cal se xeran situacións de risco, ao tempo que se estraga o asfalto. "Trátase de que Orozco aplique por fin unha política de prevención e mantemento, e non simplemente de seguir unha estratexia de reparación", manifestou o edil popular.

Manolo López denunciou tamén que o alcalde non limpou nunca as cunetas das pistas do rural. "Dende que chegou á alcaldía en 1999, non se preocupou o máis mínimo destes veciños, só se lembrou deles para irlles pedir o voto e para ir ás festas do rural a anunciar os proxectos que aínda non ten feitos".

Dilapidación da herdanza.-
O GMPP lamentou que Orozco estea a dilapidar a herdanza que os anteriores gobernos populares deixaron en materia de viais na zona rural. O concelleiro popular amosouse indignado porque "deixámoslles 500 kilómetros de viais na zona rural perfectamente asfaltados, e agora Orozco ten que rezar para que veña o Plan E a salvarlle os mobles nalgunha pista". Manolo López estimou que "non son de recibo a deixadez e o abandono aos que Orozco somete ás parroquias", posto que os seus habitantes "son igual de veciños de Lugo que os da rúa da Raíña, como di sempre o alcalde".

Visitas no rural.-
O concelleiro popular Manolo López, xunto con algúns compañeiros de partido e o propio voceiro Jaime Castiñeira, está a efectuar varias visitas a diferentes zonas do rural. En concreto, o GMPP xa peinou as parroquias de San Mamede dos Anxos, Muxa, Santa Comba, Pedreda, Recimil, Nadela… Esta liña de encontros é complementaria ás que manteñen concelleiros da zona urbana nos diferentes distritos e seccións. Según López "trátase de escoitar aos veciños do rural, porque merecen o mesmo trato que os lucenses da capital". As visitas enmárcanse na política de rúa do equipo de Jaime Castiñeira.

Castiñeira denuncia que Orozco recibiu e pagou unha obra sen rematar en Galegos

2010-02-23T13:57:00.000+01:00

· Esta é unha nova “chapuza” do Plan E de ZP no concello de Lugo

· Os populares acusan ao goberno de Orozco de improvisar e facer un seguimento deficiente das actuacións realizadas cos fondos estatais

Martes, 23 de febreiro de 2010.- O voceiro do gmpp, Jaime Castiñeira, denunciou hoxe que o equipo de goberno “recibiu e deu por finalizada e certificada a obra de saneamento de Galegos”. “A obra non está acabada, o depósito onde se almacenan as augas residuais do barrio nin tan sequera está conectado á bomba que o envía á rede xeral” puntualizou o voceiro popular.

Castiñeira apunta que “a improvisación, o nulo seguimento e en definitiva a ineptitud, por parte do goberno de Orozco con esta actuación do Plan E, queda patente, ás claras, nesta obra”.

Chama a atención que o depósito estea sen tapar, unha circunstancia que está a provocar molestias ao veciño do barrio que cedeu os terreos para colocar esta instalación e que agora ten que soportar os cheiros da auga residual que se acumula no depósito.

Outra proba da “chapuza do plan E de Orozco e ZP” témola na propia calzada de Galegos, recén alquitranada que se desfai co pé. “O formigón é de tan mala calidade que xa está desfeito”, puntualizou Castiñeira.

A obra “inacabada” de abastecemento saneamento de Galegos contou cun orzamento de 202.000 euros tiña un prazo de execución de catro meses. Esta actuación era das que tiña que estar certificada a 31 de decembro “de aí as presas do alcalde de certificar obras inacabadas”.

O voceiro popular instou ao alcalde a que tome medidas e se remate esta actuación canto antes. Jaime Castiñeira advertiu a Orozco que “seguirán desenmascarando as chapuzas do Plan E que contan co visto bo do alcalde”.

O GMPP forza ao goberno local a cubrir as vacantes que queden nos centros de día concertados por usuarios afectados co cambio da adxudicación deste se

2010-02-22T23:39:00.000+01:00

Luns 22 de febreiro de 2010.-

En aras de buscar a estabilidade de usuarios dos centros de día con praza municipal o GMPP conseguiu “arrincar o compromiso do goberno local” de que as vacantes que queden nas prazas xa concertadas, no mesmo centro, podan ser ocupadas por algún destes usuarios.
Neste momento das 15 prazas que o concello ten concertadas nun centro privado queda unha vacante que poderá utilizar un das 24 familias afectadas polo recente cambio de adxudicación deste servizo.

Coida a túa saúde.-

O goberno local aceptou a proposta do PP para colaborar con distintos colectivos lucenses que traballan con enfermos de alzheimer, cancro, enfermedades renais, fibromialxia … para incorporalos a programación das conferencias do programa "Coida a túa saúde". A edil popular suxeriu que se empregue a sabiduría destes colectivos para as tarefas de prevención en materia de saúde.

Castiñeira reúnese con afiliados e militantes da zona centro

2010-02-22T23:36:00.000+01:00

Venres 19 de febreiro de 2010.-

O voceiro popular, e presidente da Xunta local de Lugo, Jaime Castiñeira Broz acompañado polo Presidente Provincial, José Manuel Barreiro, participaron nunha cea con afiliados e simpatizantes do Partido Popular do distrito 1 (correspondente a zona do casco histórico).

Este encontro forma parte do programa que desenvolve o Presidente da Xunta local co ánimo de estreitar o vínculo entre as bases do partido e reforzar o traballo que desenvolven a pé de rúa.

O gmpp pide que se limpe a fonte pública de galegos “inservible dende hai quince días”

2010-02-22T23:35:00.000+01:00

Luns, 22 de febreiro de 2010.-
O GMPP pide ao concello que desatasque a fonte pública de galegos, que leva quince días, sen poder utilizarse ao quedar tupido o desaugue.

É imposible coller auga, está estancada á altura dos canos. A fonte de galegos do ano 1944 foi restaurada en 2008. Os veciños lamentan que este elemento quedara metido na estrada “as barandas de protección recibiron numerosos golpes de vehículos tal e como se pode comprobar no peche da fonte”.

En galegos tamén hai preocupación pola falla de información por parte do concello no tocante ao acceso ao novo hospital pola estrada que atravesa este núcleo “reclaman solucións para evitar situacións de risco dos veciños que, nun futuro, utilicen esta vía para acceder ao centro sanitario xa que é de dobre dirección e hai tramos moi estreitos”

Os populares tamén reclamaron melloras para a pista polideportiva do barrio que presenta “un peche moi deteriorado así como a reposición das canastas”.

O programa de visitas do grupo popular, capitaneado polo voceiro do PP Jaime Castiñeira, busca reforzar os vínculos coa sociedade así como seguir moi de perto ás demandas da rúa e ás preocupacións dos lucenses.

O GMPP critica que, nun ano, Orozco non avanzara nada na revisión das ubicacións das mesas electorais

2010-02-22T16:27:00.000+01:00

· Os populares queren saber en que punto se encontra o compromiso que asumiu o alcade, “de facer esta análise”, no pleno do 23 de decembro de 2008

· A xuízo de Jaime Castiñeira, trátase da “enésima mostra da falta de vontade política do señor Orozco”

Luns, 22 de febrero de 2010.- O voceiro do GMPP Jaime Castiñeira pedirá explicacións, na vindeira xunta de voceiros, sobre a revisión da situación das mesas electorais que o alcalde se comprometeu a realizar, hai máis dun ano, a instancias dunha iniciativa popular.

Orozco dixo que realizaría este traballo no pleno do 23 de decembro de 2008 . O voceiro popular criticou que nun tema “facilmente subsanable e de sentido común non se teña feito nada de nada”.

Castiñeira remarcou que “o dereito a voto é inalienable e é unha garantía constitucional”, polo que entende que “hai que velar para que os cidadáns fagan uso del nas mellores condicións posibles”. “Unha democracia sana non pode permitirse que o frío escorrente as ganas de votar por mor dunha mala selección das instalacións”.

Antecedentes.-

O GMPP presentara un rogo para o pleno do 23 de decembro do 2008 no que instaba ao alcalde á revisión do mapa de ubicacións das mesas electorais. En concreto, o escrito dos populares aludía a casos como o do barrio da Cheda, onde os veciños reclamaban un local alternativo posto que o actual está mal acondicionado e atópase moi lonxe das vivendas dos votantes.

Os lucenses da Cheda quéixanse de que se teñen que desprazar ata as naves do Palomar, onde está disposta a localización de dous colexios electorais cun total de tres mesas nas que votan moitos cidadáns. Alí exercen este dereito residentes da avenida das Américas, a Fonte dos Ranchos, Marqués de Ombreiro, a ronda do Carme e praza Simón Bolívar, entre outros.

Os veciños desta zona manifestan que teñen varias alternativas nas inmediacións “sen saír do noso barrio”. Amosáronse resignados porque moitos teñen que recorrer a un vehículo de transporte para poder votar, algo que lles parece impropio do século XXI.

O GMPP tamén incluíu no rogo a petición de que se revisase o resto de mapas electorais de todo o concello para ver se esta situación se repetía noutros puntos.

SAÚDOS

As queixas sobre a auga turbia tamén chegan á comisión de suxestións

2010-02-21T11:43:00.001+01:00

Domingo, 21 de febreiro de 2010.- Das reclamacións presentadas ao longo do último mes, na comisión de suxestións, destacan dúas sobre a problemática da auga da traída en Lugo. Asemesmo seguen rexistrándose queixas polos importes excesivos na tarificación da auga.

A presidenta da comisión, a popular Cristina Ares referiuse a unha reclamación que ten que ver coa actuación, a xuízo dun lucense, “desconsiderada e perigosa dun camión de servizo de limpeza municipal na Avenida da Coruña”. O veciño en cuestión denuncia que invadiu a beirarrúa mentres que o conductor do camión declara, nun informe do servizo, “que subiu á beirarrúa para realizar a carga do baldeador, e que en ningún caso molestou aos viandantes”. Neste informe se apunta que se advertirá aos traballadores da conveniencia de estacionar os vehículos nos lugares autorizados para elo.

Tamén hai unha queixa remitida á enxeñería por desperfectos nunha propiedade particular ocasionados por unha obras en Monte Adairo, outra por deficiencias no alumeado público da zona de Poeta Lorenzo Varela. O veciño afirma que dende hai máis dun ano a metade das farolas desta vía non aluman e dende o servizo se informa que “están pendentes de recibir o material necesario para resolver o problema”.

Un veciño de Lugo chama á atención ao goberno municipal sobre o gasto que se fai en accesibilidade cando o servizo de autobuses é moi deficiente. (falla de puntualidade, de información e trato desconsiderado dos conductores).

Hai unha suxestión para a área de persoal para que se dé prioridade ás persoas con discapacidade para contratación de persoal para o concello.

Informes pendentes.-

A presidenta da comisión de suxestións, Cristina Ares indicou que se resolveron varios expedientes pendientes. Chama a atención a resposta de Servicios Sociais ante a queixa pola desconexión dos ordenadores do Uxio Novoneyra. O goberno local di que se trata “dunha medida temporal por mor dos reiterados episodios de vandalismo ata que sexa posible dispoñer de persoal suficiente para o debido control do uso dos aparellos”.

Sobre o estado salubre dunha finca Ramón y Cajal “o concello obrigará a súa limpeza nun prazo máximo de tres meses”. Canto a falla de impresos en castelán nas dependencias municipais o concello resposta que “a actuación é conforme a dereito” e informa que pode solicitar a traducción ao castelán dos documentos que lle afecten persoalmente e que tamén pode solicitar impresos, en castelán, na oficina de atención ao cidadán.

Sobre a falla de pasos de peóns entre Rúa Rei Chiquito e Atalaya o servizo informa de que se incluirán no plan de sinalización deste ano.

Continúan sen informe varias reclamacións atrasadas das áreas de urbanismo, rexime interior e protección da comunidade. A comisión decidiu enviar requerimento para axilizar a súa tramitación.

O GMPP pide un plan municipal de emprego

2010-02-20T18:22:00.001+01:00

• Cristina Ares reclama unha profunda revisión da política de promoción do emprego ante o preocupante aumento do paro no municipio

• A 31 de xanerio de 2010, 7.652 veciños de Lugo engrosaban as listas do INEM , 2.256 máis que no mesmo mes do ano anterior

Venres, 19 de febreiro de 2010.-
As cifras cantan .-

No último mes do ano 2009, o paro rexistrado en España medrou en 54.657 persoas respecto ao mes anterior, situando o total de desempregados en 3.923.603, o que supón un repunte do 25,4% respecto a 2008, e se traduce en 794.640 parados máis. Os datos de xaneiro volven a encender a luz de alarma. Os 124.890 novos desempregados de 2010 sitúan o paro rexistrado por riba dos 4 millóns de persoas (4.048.493).

Non obstante, Galicia é a terceira comunidade autónoma con menos aumento do paro registrado en termos interanuais (só por detrás de Extremadura e Asturias), cun aumento do 15,06 % fronte ao 21,66% do conxunto do estado. De feito este diferencial positivo tamén se reflexa na Enquisa de Poboación Activa onde Galicia conta cunha diferenza positiva de preto de seis puntos con respecto á media estatal.

Sen embargo, o aumento do paro rexistrado afecta especialmente ao municipio de Lugo. A 31 de xanerio de 2010, 7.652 veciños engrosaban as listas do INEM , 1.201 máis que no mesmo mes do ano anterior, o que implica un crecemento interanual do desemprego en Lugo do 18,62% (3,56 puntos por riba da media galega), fronte ao 15,16% de Santiago de Compostela (en torno á media galega), e o 12,29% da cidade olívica, ou o 10,5% de Ourense (con aumentos do desemprego de 2,77 e 4,56 puntos por debaixo da media galega respectivamente)

A concelleira popular, Cristina Ares, denunciou a falla de planificación e a pouca eficacia das actuacións do goberno de Orozco en materia de promoción do emprego. Para a edil popular, resulta moi chamativo que unha política á que os orzamentos de 2009 asignaban un total de 6.866.268,64 euros tivese uns resultados tan negotivos. É evidente que a o goberno de Orozco ten un serio deficit de xestión tamén nesta área, e citou como exemplo do desatino, os resultados do Plan de inclusión social social e ocupacional de 2009, que veñen de facerse públicos, no que só 11 dos 139 inscritos atoparon un posto de traballo.

Os populares puntualizan que o goberno municipal actúa en materia de emprego “a salto de mata” en función das axudas que é quen de conseguir doutras Administracións, algo que non é malo en si mesmo, pero, a xuízo dos populares, si insuficiente, máxime nun contexto de crise económica como a que estamos a vivir en España. “Sen unha definición clara dos obxectivos en materia de emprego e unha estratexia a medio prazo coherente por parte do goberno municipal é imposible frear a destrucción de postos de traballo no municipio de Lugo”, afirmou Cristina Ares.

Os populares entenden que nunha situación como a que hoxe vivimos na que os ingresos son escasos e as cifras do paro rexistrado afectan singularmente ao municipio de Lugo, é necesario reflexionar sobre a millor maneira de investir os cartos dedicados a esta política municipal, sempre en colaboración coa iniciativa privada.

O GMPP leva a pleno unha iniciativa para facer unha planimetría completa da rede de auga

2010-02-18T18:23:00.000+01:00

· Unha planimetría completa permitiría coñecer o diámetro, o material e o tipo de tuberías, así como a antigüidade da rede, entre outras vantaxes

· Na actualidade, en torno a un 20% da rede non está en papel, senón "só na cabeza de funcionarios municipais"

Xoves, 18 de febreiro de 2010.- O GMPP levará a pleno unha iniciativa para que se faga unha planimetría completa da rede de auga.

O voceiro popular Jaime Castiñeira considera "necesaria" esta medida, posto que na actualidade un en torno a un 20% da rede só se atopa "na cabeza dos funcionarios municipais", algúns deles a punto de xubilarse.

Para Castiñeira, "o normal sería que a totalidade da rede estivese recollida nos planos". O voceiro concretou que as zonas e tramos máis antigos da rede son as que están sen recoller.

O popular manifestou que "hai lugares nos que non se sabe por onde transcorre a circulación de augas". Castiñeira expresou a súa petición para que se faga este levantamento planimétrico completo "tendo en conta o coñecemento dos funcionarios municipais do servizo de augas".

Esta análise sería necesaria para saber "ónde están as chaves de corte, cómo enlazan entre elas, cómo é a malla pola que van os tubos, qué tipo de tuberías hai na zona, o diámetro e o material do que están feito as tuberías, así como a antigüidade da rede…", ademais de para coñecer os puntos exactos por onde transcorre a auga. "O Concello debe traballar cunha documentación axeitada aos tempos nos que vivimos" e non traballar de memoria.

Castiñeira matizou que "o feito de coñecer exactamente o estado da rede permitiu actuar con certa rapidez no caso da rotura da tubería de Afonso X". Polo tanto, ante a previsión de que "poidan producirse máis situacións similares pola decisión improvisada de Orozco", o popular espera o apoio dos demais grupos políticos para sacar adiante esta iniciativa.

O voceiro advirtiu que "o lóxico sería ter datos concretos". O GMPP xa presentara no seu día unha iniciativa para facer un estudo completo do estado das distintas rúas da cidade, incluíndo todos os servizos (augas, redes de saneamento, alumeado público, etc).

"Estamos ante un goberno que é incapaz de traballar coa política de prevención", reiterou Castiñeira. O voceiro popular lamentou que Orozco actúe sempre con improvisación e sen sentido común.

O GMPP presentou hoxe en rolda de prensa esta iniciativa que se debaterá no pleno do vindeiro 1 de marzo.

El GMPP denuncia que veinticuatro usuarios de centros de día tienen que cambiar de centro al cambiar el concello la adjudicación del servicio

2010-02-18T13:53:00.000+01:00

• La concejala popular demanda al equipo de Orozco que busque una fórmula para darles solución a estas 24 familias

• El GMPP lamenta que pacientes estables se vean alterados sus patologías por el cambio de centro

Miércoles, 17 de febrero de 2010.- El GMPP denunció hoy en rueda de prensa que la decisión del equipo de Orozco de cambiar la adjudicación del servicio de centros de día puede agravar las patologías de algunos de los veinticuatro usuarios afectados.
El GMPP se hace así eco de las quehas de usuarios de centros de día con plaza concertada con el ayuntamiento y que ahora tienen que abandonar el centro al que llevan muchos años adaptados, tanto al personal como al propio centro. Por eso, llevará este tema a la Comisión de Bienestar Social, que preside la concejala Sofía López Linares y que se celebrará el próximo lunes 22 de febrero.
La edil popular afirma que "las personas no son mercancías que puedan andarse cambiando en cualquier momento". López Linares cuestionó además los casos en los que el cambio pueda ser contrario a la terapia, dado que "hay usuarios con Alzheimer a los que el cambio de centro puede acarrearles un agravamiento de la patología previa".

La concejala popular lamentó que "nadie avisó personalmente a estos usuarios de su desplazamiento", sino que les fue enviada "una fría carta" para comunicarles la noticia con solo diez días de antelación, criticó López Linares.

"No son simples números. Son personas: Luis, Dolores, Alicia, Celia… a veces su única familia son los trabajadores del centro de día", remarcó. Por ello, instó al gobierno local a buscar "una solución urgente".

Por otra parte, la concejala también presentará a esta Comisión una iniciativa para que se tenga en cuenta la experiencia de asociaciones de afectados por enfermedades para impartir charlas en el marco de las actividades que desarrolla el concello en los centros socioculturales. En concreto, López Linares propone que los colectivos de alzheimer, cáncer, enfermedades renales, fibromialgia… colaboren en las conferencias del programa "Coida a túa saúde". La edil popular sugiere que se emplee la sabiduría de estos colectivos para las tareas de prevención en materia de salud.

Iniciativa a pleno.-El GMPP, además de estas proposiciones para la Comisión de Benestar Social, propone que se ponga en marcha un sistema que permita a los discapacitados auditivos comunicarse con la policía local. Los populares llevarán esta iniciativa al pleno del 1 de marzo.
El sistema permitirá que las personas con esta problemática puedan comunicarse por mensaje de teléfono móvil con la policía local, quien ayudaría al ciudadano en situación de emergencia.
Para eso es necesaria la creación de un registro, por lo que los populares proponen que para su elaboración se establezca un convenio con el colectivo afectado. En este dispositivo se podrían inscribir todas las personas con problemas de comunicación que residan en el ayuntamiento.

O GMPP denuncia pasotismo do goberno local cos veciños do rural

2010-02-16T17:36:00.000+01:00

· O edil Manolo López, xunto co voceiro Jaime Castiñeira, visitou a pista de San Mamede dos Anxos, na contorna de Nadela

· O concelleiro popular acusa a Orozco de crear agravio comparativo entre os veciños da cidade e os da zona rural

Martes, 16 de febreiro de 2010.- O GMPP acusa ao goberno de Orozco de "pasotismo" coa zona rural.

A actitude "pouco igualitaria" do rexedor provoca que os veciños da zona rural se sintan "fondamente agraviados" cos da capital, segundo denunciou o concelleiro popular Manolo López.

O edil lamentou a "falta de control e a despreocupación absoluta" que reina no equipo de goberno con respecto aos máis de 8.000 veciños da zona rural.

López fixo estas declaracións logo dunha visita á pista de San Mamede dos Anxos, na zona de Nadela onde os coches non poden pasar máis que en primeira. "Falar de socavóns e de baches é pouco dicir, porque aí hai verdadeiros furados".

O concelleiro popular lamentou que o goberno local teña que pagar un arranxo do que debería facerse cargo a empresa que acometeu as obras da variante de Nadela, posto que a pista quedou moi destrozada co paso dos camións que participaron na obra.

López concluíu que "coma sempre, os de Orozco por falla de traballo e supervisión, e facendo raíña do mambo á improvisación” cargan ás arcas municipais con custes que deberían asumir as administracións amigas.

Resposta a Lino González Dopeso.-

O concelleiro popular Manolo López quixo tamén matizar, en resposta ao edil socialista de Medio Ambiente e Zona Rural Lino González Dopeso, que "todas as denuncias efectuadas polo GMPP responden a pistas de titularidade municipal".

Polo tanto, rebotou a petición de rigorosidade ao responsable destes viais. "Que se preocupe por manter en bo estado as vías de comunicación do rural e que deixe de intentar enganar aos lucenses desviando a atención cara outras administracións", sentenciou o concelleiro popular.

O GMPP denuncia carreiras ilegais de vehículos na zona da Piringalla e lamenta a ausencia policial na rúa o sábado de Antroido

2010-02-15T18:42:00.001+01:00

· Como consecuencia das competicións de velocidade, un coche estacionado quedou seriamente danado no cruce de Manuel María e Rúa das Fontes e un sinal de tráfico foi derrubado

· O concelleiro popular Enrique Rozas condena a ausencia de Policía Local na rúa “un sábado tan multitudinario como o de Antroido”

Luns, 15 de febreiro de 2010.- O Grupo Municipal do Partido Popular denunciou que, na noite do sábado ao domingo, a zona da Piringalla volveu ser escenario de carreiras ilegais de vehículos.

Esta competición afectou a un coche estacionado, que quedou “seriamente danado”, así como a un sinal de tráfico que foi derrubado. Os feitos ocorreron na intersección entre a rúa Manuel María e a rúa das Fontes.

O concelleiro popular Enrique Rozas expresou a súa preocupación “polo que puidese ter pasado”, xa que “vén sendo unha tónica habitual que os vecinos da zona escoiten toda a noite derrapes de coches e mesmo de quads”.

O edil propuxo que, ademais de incrementarse a presenza policial na zona, se instalen pasos de peatóns elevados, posto que tamén servirían para garantir a seguridade dos peóns ao cruzaren. Rozas manifestou que “son rúas propicias para estas competicións pola súa anchura”, ao tempo que contou tamén que fai un par de meses apareceron as rodas de vehículos pinchadas nesta mesma rúa das Fontes.

Ausencia de Policía Local na rúa.-

O concelleiro popular asegurou ademais que “nun día que congrega a tanta xente como é o sábado de Antroido” non houbese ningunha patrulla da Policía Local na rúa.

Rozas manifestou que os efectivos de garda só saíron en tres requerimentos que tiveron e que, posteriormente, un policía local tivo que retirar un vehículo que obstaculizaba o paso entre a rúa Nova e a rúa Montevideo. “A propia Policía está a investigar a posible relación entre este coche e as carreiras ilegais desa mesma noite na Piringalla”, subliñou o concelleiro popular.

“Nunca nos cansaremos de denunciar a mala planificación que o Director Xeral da Policía Darío Diéguez fai sobre o corpo que dirixe”. Rozas volveu pedir responsabilidades políticas porque nos atopamos “ante o enésimo caso de irresponsabilidade dos señores Diéguez, Rábade e Orozco e a súa neglixencia cara a seguridade dos veciños que os elixiron”.

O GMPP considera que a rotura da tubería de Afonso X é consecuencia da purga do sistema

2010-02-15T18:40:00.000+01:00

· O voceiro popular Jaime Castiñeira critica que a falta de planificación da purga provocase unha rotura de tuberías nunha zona recentemente arreglada

· "Mellor lle iría á cidade se Orozco traballase cunha política de prevención e non coa política de reparación e a improvisación, como fai sempre"

· Castiñeira lamentou que á reunión na que se decidiu a purga non se convocase a técnicos municipais enxeñeiros de infraestruturas ou de augas, os realmente expertos na materia

Luns, 15 de febreiro de 2010.- O voceiro do GMPP Jaime Castiñeira expresou esta mañá en roda de prensa a súa convicción de que a rotura da tubería de Afonso X "está moi probablemente relacionada coa purga xeralizada do sistema de augas".

Castiñeira argumentou que "ao facer a purga en varios puntos simultáneos, é máis que probable que se teña producido un cambio de circulación no sentido da auga e que tamén se teñan modificado as presións ás que a rede estaba sometida". Os expertos consultados polo voceiro explicáronlle que "é moi fácil que se xeren roturas".

Jaime Castiñeira advirtiu de que "poden chegar a producirse novos problemas de roturas de tuberías". O voceiro lamentou que "a cidade está a sufrir as consecuencias da ineptitude, da falta de planificación e da improvisación coas que traballa o equipo de Orozco". Neste senso, o popular demandoulle ao alcalde unha política de prevención e non de reparación, ao contrario da súa praxis habitual.

A rotura de tuberías veu a confirmar a denuncia efectuada polo propio Jaime Castiñeira o pasado venres, ao asegurar que a purga puxera en perigo as tuberías. "Non pasou nin unha semana da purga e xa vemos as primeiras fracturas".

Ausencia dos expertos na reunión.-

O popular insistiu en que "ocorreu o menos malo", ao tempo que criticou que a reunión na que se decidiu levar a cabo a purga non se consultou aos técnicos con maior coñecemento nesta área. Jaime Castiñeira afirmou que "non existe un só informe" asinado polos enxeñeiros de infraestruturas e augas.

O voceiro popular non dubida do coñecemento dos funcionarios que asistiron á reunión, pero preguntouse "por que non consultamos aos expertos municipais pagados por todos". Castiñeira detallou que neste encontro no que se decidiu acometer a purga xeralizada só estaban presentes un operario de avarías, un enxeñeiro agrónomo, unha farmacéutica e os concelleiros de Infraestruturas e Medio Ambiente.

O GMPP solicita a comparecencia do edil de Infraestruturas no próximo pleno para que dea explicacións sobre a purga de auga

2010-02-12T13:40:00.000+01:00

· Jaime Castiñeira asegura que “se tanto lle gusta purgar a Orozco, que empece por depurar responsabilidades no seu equipo”

· O voceiro popular teme que a decisión de purgar se tomase sen ter en conta aos enxeñeiros responsables

Venres, 12 de febreiro de 2010.- O Grupo Municipal do Partido Popular solicitou hoxe en rolda de prensa a comparecencia do edil de Infraestruturas José Piñeiro tras a purga do sistema de augas que deixou sen potabilidade á cidade.

“Non fai falla que se biquen os concelleiros entre si. O que queremos é que dean explicacións xa”, asegurou o voceiro popular Jaime Castiñeira logo do “paripé” de onte entre González Dopeso e Piñeiro.

O voceiro manifestou que o lóxico é que o concelleiro compareza “por vontade propia” no próximo pleno, sen agardar aos prazos que lle permite a Lei de dar explicacións na sesión de abril. “Alguén ten que responsabilizarse dunha decisión inadecuada e consecuencia dun erro clarísimo e nefasto de xestión”.

Castiñeira preguntouse tamén se na reunión na que se decidiu facer a purga estaban presentes os enxeñeiros responsables da materia, algo do que dubida. “Por fortuna, pasou o menos malo, logo de que se tomase unha decisión sen sopesar e sen analizar as consecuencias”. O popular asegurou que “moito me temo que nin Piñeiro nin Orozco sabían as consecuencias do que podería ter ocorrido”

Ao voceiro popular non lle serve o argumento esgrimido polo goberno de “emerxencia”, dado que “o equipo de Orozco tivo tempo máis que suficiente en dous meses para estudar o impacto e as consecuencias dunha medida coma esta”.

Castiñeira reiterou que “a improvisación é o motor do goberno de Orozco”. “Fóiselle das mans”, e todo porque xoga cos intereses dos cidadáns “sen prever absolutamente nada”. “Con instar á Xunta e trasladar responsabilidades a Sanidade a el parece que todo lle vale”.

O gmpp acusa a Orozco de enganar “de forma sistemática” aos veciños de Nadela

2010-02-11T16:19:00.000+01:00

• Jaime Castiñeira: “non existe ningún proxecto feito, nin pagado polo concello de reforma da nacional VI”

• O voceiro dos populares recriminou a “falla de traballo do goberno local” que hai dous anos deu luz verde a unha iniciativa popular para acondicionar como travesía urbana este tramo.

Xoves, 11 de febreiro de 2010.- O voceiro do gmpp, Jaime Castiñeira, acusou hoxe ao alcalde de Lugo, José López Orozco de enganar aos veciños de Nadela. O popular desmentiu as recentes declaracións que fixo o rexedor lugués nas que anunciaba que o proxecto de reforma do tramo da Nacional VI ao seu paso por este núcleo “xa estaba feito e pagado polo concello”.

“Orozco demostra o seu nerviosismo e en vez de recoñecer os seus propios incumprientos volve a utilizar promesas falsas co que a bola segue medrando. O último do alcalde é dicir que ten feitas cousas que non existen”, puntualizou Castiñeira.

Castiñeira recriminou ao goberno local a súa “falla de xestión” e lembrou que, hai dous anos, se aprobou no concello “por unanimidade” unha iniciativa do PP para reurbanizar un tramo da N-VI ao seu paso polo núcleo de Nadela co tratamento de tramo urbano (beirarrúas, alumeado, mobiliario urbano …). (Pleno 11 de febreiro de 2008) Entre outras cousas se indicaba que esta obra daría unha solución as inundacións que se producen por mor dos desniveis existentes entre a estrada e o acceso as vivendas.

O voceiro popular lamenta que unha vez máis unha iniciativa que se aprobou en pleno non se faga pese a que pasaron dous anos. Os populares entenden que coa apertura da variante se debería facer un esforzo en mellorar a calidade urbana do núcleo de Nadela.

Non foi esta a primeira vez que os populares presentaron iniciativas encamiñadas a reurbanizar este tramo. Nese senso se rexistraron enmendas, por un importe dun millón de euros aos Presupostos Xerais do Estado de 2008 para que o Ministerio encargase o proxecto da citada obra.

Visitas.-

Esta visita a Nadela é “unha máis” das saídas que o voceiro do grupo popular está a realizar polo municipio de Lugo para denunciar as distintas problemáticas existentes tanto na zona rural como no núcleo urbano.

A idea de Jaime Castiñeira é peinar neste primeiro semestre do ano tanto as 54 parroquias do municipio como as 64 seccións na que se dividiu a trama urbana.

O gmpp acusa a Orozco de eludir responsabilidades “ao máis puro estilo de ZP”

2010-02-11T16:17:00.001+01:00

• Desde que o alcalde de Lugo chegou á alcaldía non se limpou a rede da traída

• Os populares apuntan que os concelleiros socialistas síntense “amortizados” e que non lles doe prenda en facerse sabotaxe dentro da casa

• Castiñeira anunciou que presentarán iniciativas para pedir explicacións pola nefasta xestión desta problemática

Xoves, 11 de febreiro de 2010.- O gmpp acusou ao goberno local de eludir responsabilidades “na súa máis pura liña estilo PSOE, a culpa sempre é doutros” en alusión ás declaracións do goberno local nas que pasaban a responsabilidade da potabilidade da auga de Lugo á Consellería de Sanidade.

Jaime Castiñeira insistiu na improvisación e descoordinación dos de Orozco “os concelleiros síntense amortizados, e non lles doe prenda en facerse sabotaxe dentro da casa”.

Os populares criticaron a falla de mantemento da rede de auga “dende que é alcalde Orozco, hai once anos, nunca se fixo unha limpeza da rede de abastecemento de auga ” cando a periodicidade aconsellable, segundo técnicos, debería ser anual como a que se fae nos depósitos da auga. Castiñeira puntualizou “e logo cando se deciden a levar a cabo esta operación a fan en plan batallón, sen avisar á cidadanía con antelación”.

Castiñeira recriminou a “torpe reacción” do goberno de Orozco: “primeiro dixeron que fóra unha sabotaxe, logo que o problema viña polo uso de productos de perruquería, pola limpeza dos depósitos de calefaccións en comunidades e mesmo chegaron a decir que había unha psicose xeralizada na cidadanía”.

O voceiro popular anunciou presentarán iniciativas para pedir explicacións da situación da potabilidade da auga. Existe a posibilidade de solicitar a comparecencia en pleno dos concelleiros implicados nesta crise, así como de reclamar explicacións en xunta de voceiros ao alcalde.

Castiñeira arrinca do conselleiro de Medio Ambiente Agustín Hernández un compromiso firme cos cidadáns de Lugo

2010-02-11T00:18:00.002+01:00

· O conselleiro prometeu estudar as reivindicacións da Asociación Provincial de Taxistas e tamén anunciou que se reunirá coa Federación de Asociacións de Veciños, tal como solicitaba o colectivo

· Estes encontros poñen de manifesto o compromiso da Xunta coa cidade, como xa quedara patente co Impulsa Lugo

Mércores, 10 de febreiro de 2010.- O voceiro do GMPP Jaime Castiñeira reuniuse esta mañá co conselleiro de Medio Ambiente Agustín Hernández para trasladarlle as reivindicacións do colectivo de taxistas.

Hernández amosouse moi receptivo e comprometeuse a estudar as posibilidades de atender a reclamación da Asociación Provincial de Taxistas. Os condutores reivindicaban que da liña de subvencións concedida para o GPS se derivase unha parte a outras iniciativas, posto que a maioría de taxistas xa teñen instalado este dispositivo.

En concreto, os taxistas solicitaban que se trasladase parte da liña de axuda a subvencións para a posta en marcha dun sistema de seguridade que permitíse ter os vehículos localizados en todo momento, así como para taxímetros, Eurotaxis ou coches híbridos.

O titular de Medio Ambiente tomou nota destas peticións e prometeu estudalas.

Federación de Veciños.-

Jaime Castiñeira tamén lle comunicou ao conselleiro Agustín Hernández a solicitude da Federación de Asociacións de Veciños de entrevistarse co responsable de Medio Ambiente. O voceiro popular por Lugo exerceu de mediador entre a demanda veciñal e o conselleiro.

Hernández tamén accedeu a manter este encontro, se ben non se puido precisar unha data concreta por problemas de axenda. O conselleiro manifestou a súa idea de "reunirse canto antes", inda que está á espera de recibir a carta do colectivo presidido por Jesús Vázquez.

Ambas medidas amosan o compromiso que a Xunta mantén coa cidade, como xa quedou reflectido na posta en marcha de programas específicos como o Impulsa Lugo.

Castiñeira arrinca do conselleiro de Medio Ambiente Agustín Hernández un compromiso firme cos cidadáns de Lugo

2010-02-11T00:18:00.001+01:00

O gmpp critica a “improvisación” do goberno local á hora de solucionar a problemática turbidez da auga

2010-02-11T00:16:00.000+01:00

Mércores, 10 de febreiro de 2010.- O grupo municipal popular considera que a problemática da turbidez da auga da traída de Lugo “foíselles das mans”. A concelleira popular, Sofía López, indicou que “este é un novo exemplo de que non son quen de xestionar un problema con eficacia. Primeiro o goberno local di que os veciños se contaxían da psicose duns poucos e que non hai nada de nada, cando a realidade é que os lucenses levamos dous meses sen saber a que aternos no tocante a auga que bebemos”.

A concelleira popular, Sofía López, pregúntase porque si o goberno local tiña previsto purgar a rede de abastecemento e vaciar os depósitos municipais non se avisou con máis antelación aos cidadáns.

O gmpp que recibiu numerosas queixas de veciños relativas á turbidez da auga ao longo da mañá tomou mostras da auga do propio concello, así como de distintos puntos da cidade para enviar a Sanidade.

Lembrar que os populares xa solicitaron o pasado 29 de xaneiro a documentación relativa aos resultados técnicos detallados (bactereolóxicos, metais pesados … etc) relativos ás análises realizados na traída de auga de Lugo dende comezos de ano. Sofía López reclamou que se especificase as datas de realización dos mesmos e os puntos de recollida.

O GMPP denuncia que o propio concello incumpre a Ordenanza de Protección Ambiental

2010-02-09T18:05:00.000+01:00

· Os adhesivos de "O seu vehículo foi retirado pola grúa" reprodúcense ata nos lugares máis insólitos, como en fiestras de casas particulares

· O edil popular Enrique Rozas ironizou con que o concelleiro de Medio Ambiente "lle pase os apuntes da Ordenanza" ao de Protección á Comunidade

Martes, 9 de Febreiro de 2010.- O GMPP denuncia que o concello incumpre a Ordenanza de Protección Ambiental ao situar os adhesivos de "O seu vehículo foi retirado pola grúa" en lugares prohibidos por esta ordenanza.

O concelleiro popular Enrique Rozas subliñou con ironía que "xa que os axentes de mobilidade se atopan traballando a reo para reducir o déficit da grúa, sería idóneo que, alomenos, cumprisen a ordenanza Municipal de Protección Ambiental" e que alguén lles explicase a prohibición de colocar adhesivos en certas superficies.

O artigo 306 da ordenanza Municipal de Protección Ambiental prohíbe a colocación de adhesivos en:
· Paradas de transporte público: os axentes de Mobilidade situaron un adhesivo nunha parada da rúa Mallorca e noutra da ronda da Muralla, á altura do edificio dos sindicatos.
· Elementos do mobiliario urbano: algún contenedor da rúa Mallorca, ademais de recoller basura, anuncia ao propietario que o seu vehículo foi retirado pola grúa. Un termómetro da Porta de san Fernando tamén serve para este mesmo fin, así como un bolardo situado na praza de Santo Domingo.
· Postes de alumeado: senllas farolas na ronda do Carme e na ronda da Muralla foron usadas polos axentes de Mobilidade para ubicar estes adhesivos.
· Sinais de tráfico: os efectivos de Mobilidade situaron adhesivos en sinais da praza de Santo Domingo e da avenida de Castelao.
· Lugares inmediatos a un edificio de carácter artístico e histórico, como pode ser a ronda da Muralla. Ao pé do monumento milenario atópanse varios adhesivos deste tipo, á altura do edificio dos Sindicatos e á Porta de Ferrol, entre outras.

Fronte a todas estas imaxes, o método que habitualmente se utiliza para anunciar a retirada de vehículos é colocar os adhesivos no chan, o que evita danos sobre superficies de especial interese e tamén sobre mobiliario urbano.

Rozas tamén ironizou con que o concelleiro de Medio Ambiente Lino González Dopeso lle debería "pasar os apuntes" ao seu compañeiro José Rábade.

O concelleiro popular asegurou que "o concello non pode esixirlle aos lucenses que cumpran unha Ordenanza que eles mesmos non respectan". Rozas lamentou, ademais, que "Orozco non para de pedir limpeza para a Muralla, pero o certo é que o alcalde non se preocupa pola conservación do entorno do monumento".

O GMPP presenta un escrito esixindo a Orozco a axilización do regulamento de participación cidadá, que acumula vinte meses de retraso

2010-02-08T18:53:00.000+01:00

· Este escrito chega logo da falla de resposta no pasado pleno da concelleira Luísa Zarzuela a unha pregunta do GMPP sobre as razóns da parálise desta norma

· Orozco relega ao caixón do esquecemento un traballo practicamente consensuado fai máis de ano e medio

· Os populares propoñen ademais a elección dun representante por mesa electoral para o novo Consello de Distrito Rural

Luns, 8 de Febreiro de 2010.- O GMPP presentou un escrito no que insta ao goberno a convocar de inmediato unha nova reunión da Comisión encargada da elaboración do novo texto de Regulamento de Participación Cidadá.

Este órgano comezou os seus traballos en maio de 2008 coa idea orixinal de levar o novo regulamento ao pleno no mes de setembro dese mesmo ano. Porén, vinte meses despois, e logo dun duro traballo por parte de todos os representantes veciñais e políticos, o goberno de Orozco deixou no caixón do esquecemento o borrador case completamente consensuado.

Consello de Distrito Rural.-
Unha das cuestións pendentes neste documento é a participación na zona rural. O goberno socialista négase a incluír a elección democrática dos pedáneos a pesar de que así o contempla o regulamento de participación en vigor (do 2000) e malia que os pedáneos que existen na actualidade foron elixidos desa forma.

Con todo, non é menos importante a definición da composición do novo Consello de Distrito Rural. Inicialmente, o goberno propoñía que oito membros fosen designados directamente polo alcalde. Esta medida introducía unha discriminación entre os veciños do rural e os da cidade, posto que no caso dos dous consellos de Distrito Urbanos eses representantes eran elixidos cinco por sorteo e tres por consenso dos grupos políticos entre persoas de recoñecido prestixio.

De retomarse a elaboración do novo Regulamento de Participación Cidadá, o GMPP proporá que os oito representantes, ou incluso algún máis, sexan elixidos en furna nas mesas electorais do distrito rural o mesmo día dos comicios municipais.

Modelo de participación cidadá.-
Ter depositado no caixón do esquecemento o borrador do novo Regulamento de Participación Cidadá é unha proba máis da falla de vontade política do goberno de Orozco para mellorar a participación veciñal no concello de Lugo.

Esta falta de compromiso queda tamén patente ao elaborar os orzamentos municipais sen cumprir un acordo plenario de xuño de 2008 polo que os orzamentos do ano seguinte xa se deberían ter elaborado co instrumento de participación denominado Orzamentos Participativos. De feito, algún membro do goberno municipal emprega estes termos de "orzamentos participativos" coa intención de confundir á opinión pública, posto que o único que se fai é unha consulta epistolar ás asociacións veciñais, algo que en nada condiciona a proposta presupostaria do goberno.

Jaime Castiñeira reuniuse coa Asociación Provincial de Taxistas para atender as demandas da agrupación

2010-02-08T00:18:00.001+01:00

· O voceiro popular escoitou as peticións deste colectivo e dará traslado á Xunta das súas reivindicacións

· Este encontro enmárcase dentro da liña de reunións que está a manter Jaime Castiñeira coas asociacións da cidade

Domingo, 7 de febreiro de 2010.- O voceiro popular Jaime Castiñeira reuniuse coa Asociación Provincial de Taxistas, xunto cos integrantes da Comisión de Tráfico presidida polo concelleiro popular Enrique Rozas.

Castiñeira trasladaralle ao conselleiro responsable as peticións do colectivo de taxistas. O voceiro popular comprometeuse a analizar as súas peticións e darlles resposta a estas demandas.

Os populares son moi sensibles coas solicitudes destes condutores, dado que a Asociación Provincial de Taxistas presenta unha das maiores taxas de emprego de discapacitados en toda a cidade. O voceiro popular asegurou que "hai que atender con especial atención a aqueles que traballan tanto no eido social".

Castiñeira volverase reunir con este colectivo en canto obteña unha resposta da Xunta. Na reunión abordouse tamén o Plan de Mobilidade e outros asuntos do tráfico na cidade que preocupan aos taxistas.

Liña de reunións.-
O encontro cos taxistas súmase ás últimas reunións que mantivo Jaime Castiñeira dende que asumiu a portavocía do GMPP. O voceiro popular mantivo nos últimos quince días entrevistas cos colectivos de Discapacitados Auditivos e coa Asociación Española contra o Cancro.

En vindeiros días, Castiñeira reunirase con outras agrupacións, como a de Auxilia para analizar a iniciativa popular recentemente aprobada en pleno de fomentar o turismo accesible na cidade.

O Concello recoñece a súa incapacidade de xestión en resposta a preguntas do GMPP

2010-02-08T00:16:00.000+01:00

· O equipo de Orozco é incapaz de poñer datas a obras propias, polo que non se entende que pidan prazos de infraestruturas que non lles competen, como o novo hospital

Venres, 5 de febreiro de 2010.- O goberno de Orozco recoñeceu a súa incapacidade de xestión, en resposta a preguntas do GMPP.

O concelleiro de Medio Ambiente e Zona Rural Lino González Dopeso contestou que "neste momento non podo precisar unha data concreta de remate do Parque dos Paxariños".
O socialista volveu recoñecer a súa ineficacia ao afirmar que "non podo precisar a data de adxudicación" do estudo do arbolado do Parque Rosalía de Castro. "Non se sabe ben a que xoga González Dopeso", posto que o mesmo día que respostaba isto adxudicaba este plan de estudo.

O equipo de Orozco traballa coa improvisación, como demostra que respondan que está prevista a reposición paulatina de árbores "ao longo do inverno", cando xa transcorreu a metade deste período.

A concelleira popular Teresa Taboada preguntouse "como pode Orozco pedir prazos para o hospital cando é incapaz de xestionar as súas propias obras".
A edil lembrou que o alcalde "ningunea o traballo da oposición, posto que xa denunciamos en reiteradas ocasións o abandono do concello en materia medioambiental".

El GMPP solicita cambios en pasos de peatones para mejorar la seguridad

2010-02-04T17:15:00.000+01:00

· Enrique Rozas sugirió la modificación de la parada de autobuses de la Fonte do Rei

· El concejal popular también propuso la prohibición de estacionar vehículos unos metros antes de cada paso, la mejora en zonas escolares y que se eviten las situaciones ridículas

Jueves, 4 de febrero de 2010.- El Grupo Municipal Popular presentó esta mañana varias iniciativas para reforzar la seguridad vial en los pasos de peatones de la ciudad, aprovechando la campaña de repintado que se está llevando a cabo actualmente.

Enrique Rozas planteó la conveniencia de retrasar la parada de autobuses de la confluencia entre la avenida de Ramón Ferreiro y la avenida de Madrid, como ejemplo de otros casos similares de la ciudad. La situación de la parada del autobús, justo antes del paso de peatones, provocó varios atropellos, el último de ellos mortal. Para evitar estas situaciones, el concejal popular propuso el traslado de esta parada hasta el cruce anterior a la intersección, en la calle Eirín, justo antes de la rotonda.

En este sentido, el concejal popular recordó que el ayuntamiento ya cambió la parada de Ángel López Pérez tras una sugerencia del GMPP.

Prohibición de estacionamientos
Enrique Rozas propuso también prohibir los estacionamientos de vehículos varios metros antes de los pasos de peatones en aras a la mejor visibilidad para los conductores y garantizar así la seguridad de los peatones.

Zonas escolares
El concejal popular recordó su petición de trasladar el paso de peatones situado a la entrada del Colegio María Auxiliadora. Rozas sugirió que se ubique antes de la intersección del cruce de Ramón Ferreiro con Marina Española, y no justo delante de la entrada del colegio con el riesgo que entraña para los alumnos.

Al mismo tiempo, Rozas volvió a pedir una solución para garantizar la seguridad de los numerosos peatones que caminan por la acera improvisada desde la ronda da Muralla hacia Ángel López Pérez. El edil popular reivindicó que este camino de tierra, forjado por el uso diario que muchos escolares le dan, se convierta definitivamente en acera. Rozas lamentó la "falta de sensibilidad" del ayuntamiento con respecto a esta iniciativa popular desde hace varios años.

Intersecciones de cuatro calles
El edil aseguró también que sería conveniente retrasar los pasos de peatones en las intersecciones de cuatro calles sin regulación semafórica. "A veces se generan situaciones peligrosas para los peatones y problemas de tráfico que serían fácilmente solucionables con el simple desplazamiento de los pasos en un par de metros". Rozas entiende que "se trata de una cuestión de fácil solución y que obedece a una simple voluntad política", por lo que instó al concello a "tener en cuenta las sugerencias constructivas de la oposición".

Situaciones ridículas
El concejal popular denunció, asimismo, situaciones "verdaderamente ridículas" que se encuentran en los pasos de peatones en la ciudad. De este modo, Rozas mostró un paso de cebra de la zona de Paradai (en la calle Río Sil), donde se advierte que el paso está pintado solo hasta la mitad. El edil recordó también otro caso, el de la piscina de As Pedreiras, donde el paso de peatones termina contra un talud.

O GMPP advirte que todos os inmobles que figuran nun inventario público están suxeitos á lei de patrimonio

2010-02-04T17:14:00.000+01:00

· Castiñeira informa a Orozco que dende o momento que se aproba inicialmente o PXOM as intervencións nos edificios afectados precisan informe de Cultura

Xoves 4 de febreiro de 2010.- O gmpp sorpréndese da incoherencia da delegada de urbanismo con respecto á obra do adosado no edificio do seminario. “Dende o momento que se aprobou de forma inicial o novo PXOM tanto o edificio do seminario menor, maior como o vello cárcere pasan a formar parte dun inventario público suxeito á lei de patrimonio cultural”.

O goberno local recoñece que foi el mesmo o que incorporou este edificio ao catálogo do novo plan xeral “o PSOE presume de ser quen o incluiu no catálogo, e decir, que recoñece que non se debe tocar a fachada” por iso non se entende “a súa falla de sensibilidade á hora de levar a cabo esta actuación”. O voceiro do gmpp, insiste en que, para calquera actuación, en inmobles precisa dun informe de cultura.

Castiñeira avoga para que se protexa o edificio “ainda estase a tempo de deixalo como estaba” e afirma que “as leis son para todos, non debe haber un trato preferente por tratarse dunha administración pública”.

Castiñeira non pon en tea de xuizo, en ningún momento, a profesionalidade dos técnicos que fixeron o proxecto “como tampouco xamáis dubidamos do bo facer dos técnicos que proxectaron o parque de enerxías renovables de O Ceao, pese a que se trata dunha obra ilegal que o goberno local montou nunha zona verde”.

O GMPP denuncia que a ampliación dun edificio municipal catalogado estase a executar sen informe de cultura

2010-02-03T18:29:00.000+01:00

· Pese aos antecedentes das torres de Orozco o alcalde segue actuando “por libre” sen facer os trámites que se lle esixiría a calquera particular

· Os populares afirman que a ampliación do seminario menor modifica sustancialmente a fachada posterior

· A obra, situada a menos de 100 metros de dous edificios inventariados (vello cárcere, seminario Mayor) está financiada con fondos do Plan E

Mércores, 3 de febreiro de 2010.- O gmpp denunciou a “nula sensibilidade” do goberno local por permitir que nun edificio catalogado, propiedade municipal, se faga unha ampliación que afecta á fachada posterior. Trátase da intervención que se está a levar a cabo, con cargo aos fondos do Plan E, na parte de atrás do edificio administrativo do seminario menor.

Neste momento xa se aprecia a estructura metálica e os machóns deste engadido que se está montando sobre unha terraza.

O voceiro do gmpp, Jaime Castiñeira, apuntou que os criterios de intervención neste inmoble, incluído no catálogo de elementos protexidos do Plan Xeral, indican que “non se permitirán obras de apertura de ocos en fachadas que modifiquen substancialmente a mesma e que unicamente se poderán realizar novo socos sempre que se manteñan as leis compositivas da fachada original”.

Outro punto que pasou por alto o goberno local, aparte de estar o propio edificio inventariado, está situado a menos de 100 metros do seminario Mayor e o edificio do vello cárcere, tamén inventariados. Esta circunstancia obrigaría a ter un informe previo de cultura para levar a cabo dita intervención, cousa que non se fixo.

Os populares entenden que “independentemente da legalidade, suxeita a interpretación dos técnicos, o concello debería ser o primeiro en dar exemplo. A administración debe ir sempre por diante”, puntualizou.

Antecedentes.-

Castiñeira lembrou outra recente actuación “pouco afortunada” do goberno local relacionada coa conservación do patrimonio referíndose ao aglomerado co que se cubriu a explanada do pavillón municipal. En xuño do ano pasado os populares pediran que se buscara unha alternativa para protexer os seu singular pavimento. Orozco “fixo oídos xordos” á petición e cubriu os panos de cantos rodados que se colocaron a man por unha capa de asfalto.

O voceiro popular afirmou que “pouco se pode esperar dun goberno que persigue aos comerciantes do casco histórico polo Pepri cando, por outro lado, o goberno local fae a vista gorda nos edificios da súa propiedade”.

Jaime Castiñeira lamenta que os de Orozco sexan incapaces de dar exemplo, e os acusa de utilizar “unha vara de medir máis restrictiva” cos cidadáns que queren facer reformas nas súas propiedades

O GMPP visita a Asociación Española Contra o Cancro e presenta na Comisión de Benestar unha iniciativa relativa a varios colectivos sociais

2010-02-03T18:27:00.000+01:00

· Este encontro enmárcase dentro do calendario de visitas a diferentes colectivos sociais que está realizando o voceiro, Jaime Castiñeira, con varios concelleiros do GMPP

· Os populares levarán á Comisión de Benestar Social unha iniciativa para incorporar a experiencia das asociacións sociais aos cursos que se imparten nos centros socioculturais da cidade

Mércores, 3 de febreiro de 2010.- O Grupo Municipal Popular visitou esta mañá a Asociación Española Contra o Cancro (AECC) na súa sé lucense de Doutor Fleming.

O voceiro Jaime Castiñeira, acompañado da concelleira Sofía López Liñares, reuniuse con este colectivo na véspera do Día Mundial contra o Cancro. Esta visita é a segunda que efectúa o GMPP en materia social, logo de terse reunido coa Asociación de Discapacitados Auditivos de Lugo o mércores pasado. Os concelleiros populares reuniranse en vindeiros días con outros colectivos sociais da cidade.

Proposta.-
A concelleira popular Sofía López Linares comunicou nesta reunión a iniciativa que presentará no vindeiro encontro da Comisión de Benestar Social que preside.

A edila levará unha proposta para instar ao goberno local a ter en conta a experiencia destas asociacións (Alzheimer, Cancro, enfermidades renais, fibromialxia, e outras) no marco das actividades que está a desenvolver o concello nos centros socioculturais, como a de "Coida a túa saúde".

López Linares pensa que "pode ser moi interesante" que nestas conferencias "se lles dea cabida a asociacións que levan traballando dende fai varios anos en problemáticas concretas", sobre todo "con vistas a tarefas de prevención". A concelleira popular mantivo que "tense que aproveitar o entramado social e que se xenere un bo feedback entre a sociedade xeral e os afectados por estas doenzas".

O gmpp acusa ao goberno local de entender por “dinamización da praza” que cada vez se pechen máis postos

2010-02-02T17:46:00.001+01:00

· Na actualidade un de cada tres locais están pechados

· Alicia Peña indicou que cos 15.000 euros que custou o plan de revitalización, que o concello encargou en 2005, se poderían ter subsanadas boa parte das deficiencias destas instalacións

Martes, 2 de febreiro de 2010.- O Grupo Popular fixo un relatorio de melloras “doadas e de inmediata solución” para dar un pulo tanto a praza de abastos como ao mercado Quiroga Ballesteros. A concelleira popular, Alicia Peña, indicou que existe “descontento entre os comerciantes polo abandono que presentan as instalacións e a falla dun compromiso serio por parte do goberno local en impulsar este mercado”.

Peña lembrou que hai un Plan de actuacións para a dinamización da praza e o mercado de abastos, pagado a un grupo de consultores externos e apuntou que cos 15.000 euros que custou este traballo ben se podían ter subsanados algúns dos problemas que “saltan á vista” tanto na Praza de arriba como na de abaixo.

PRAZA DE ABASTOS:

No primeiro piso da praza de arriba:

- Como proba significativa do abandono da praza destacar o crecente número de postos baleiros. Neste momento hai 21 negocios desocupados dos 63 habilitados nestas instalacións. En 2007, cando o PP presentou iniciativas encamiñadas á recuperación deste espazo había 15 pechados.

- O posto de información do concello que acondicionou no recinto está pechado. “Outra proba máis do descoidado e da despreocupación que mostra o goberno local por estas instalacións”.

- Goteiras no pasillo central, e mesmo no interior dalgún posto

- Teito en malas condicións en varios postos

- Repaso de pintura das paredes que están escarchadas

- Limpeza das cristaleiras e corredores

- Reparación do cristal rachado da porta principal de acceso á praza

- Reparación das plaquetas e peldaños rotos da rampa de acceso lateral

- Petición para poñer música ambiental

- Colocación de indicadores na ronda da muralla

No soto da praza:

- Cristaleiras rotas

- Nos servizos cambiar os espellos dos baños e colocar peches

MERCADO QUIROGA BALLESTEROS

Na praza de abaixo:

- A entrega de concesións acumula un retraso inxustificado inminente hai dous anos e todo segue parado.

- A petición dos comerciantes solicítase a retirada dos toldos das estanterías metálicas para venda de verduras. “Estarían ben nun mercado exterior pero aquí o único que fan é quitar luz e dificultar a visibilidade doutros postos da praza”.

- Outro pedimento que lle trasladaron os comerciantes ten que ver coa recollida do lixo. Soliciante que se lles permita introducir os colectores dentro das instalacións xa que agora, como se sacan os desperdicios afora ensuciase moito máis tanto o da praza como as beirarrúas.

Alicia Peña concluiu “hai que facer un esforzo para apoiar ao productor tradicional e minorista. Dentro da política de proximidade que debe levar a cabo un concello cremos que estes mercados teñen futuro”.

O gmpp lamenta que socialistas e nacionalistas “descafeinen” os plenos con propostas alleas aos cidadáns lucenses

2010-02-01T09:41:00.000+01:00

Venres, 29 de xaneiro de 2010.- O gmpp criticou que o PSOE e BNG “descafeínen” os plenos con propostas xeneralistas como as que se presentan para a sesión do luns “son meras correas de transmisión de Ferraz e de Compostela” subliñou o voceiro popular.

Castiñeira explicou que o seu grupo intentará presentar iniciativas pensadas en resolver problemas próximos aos cidadáns de Lugo.

Lembrar que os populares defenderán a distinción co símbolo SIA (Símbolo Internacional de Accesibilidade) dos establecementos da cidade adaptados para discapacitados. A idea pasa pola creación dun Consello de Accesibilidade para que elabore unha proposta de mellora dos establecementos que así o soliciten “de xeito voluntario” e, finalmente, a elaboración dun informe. O proceso culminaría coa entrega de logos de accesibilidade ás empresas que acrediten as condicións requeridas.

Tamén se pide a creación dun plano-rueiro específico e a posta en marcha dunha guía especializada de recursos accesibles

Os populares tamén reclaman que se recupere a maqueta da muralla romana que está abandonada no parque de bombeiros. O concello pagou 18.000 euros por esta a reproducción a escala que adquiriu para promocionar o monumento romano en feiras de turismo.

Outro rogo do PP ten que ver co mal funcionamento do wi fi, só funciona un de cada catro puntos anunciados “a bombo e platillo polo goberno local”. O grupo popular reclama que se poñan en marcha todos os puntos comprometidos e unha mellor sinalización. Por último os populares piden explicacións sobre cando ten previsto o goberno local desbloquear a elaboración do regulamento de participación cidadá.

Orozco intenta xogar ao despiste eludindo responsabilidades

2010-01-28T17:58:00.000+01:00

· Os populares pregúntase en que se basea o concello para dicir que os problemas da traída son froito dunha sabotaxe

Xoves, 28 de xaneiro de 2010.- O voceiro do GMPP, Jaime Castiñeira, pediu hoxe explicacións ao alcalde sobre a potabilidade da auga da traída de Lugo.

Os populares consideran que o goberno local “non está a dar unha resposta adecuada á problemática detectada, dende hai uns días, en varios puntos da cidade” e recriminaron que, unha vez máis, “pola súa incapacidade á hora de resolver un problema o alcalde pase a responsabilidade deste asunto a outras administracións”. A este respecto o voceiro popular desmentía que Sanidade tivese, esta mañá, coñecemento oficial de abrir unha investigación sobre esta cuestión o tal e como se confirmaba dende o concello.

Castiñeira quere saber en que basea o concello as súas sospeitas sobre unha posible sabotaxe da rede de auga da traída. O voceiro popular puntualizou que, “en ningún momento, pretenden crear alarma sobre este asunto pero apuntan que nun tema tan sensible se debe facilitar a máxima información disponible”.

O GMPP solicita a poda dos magnolios da rúa da Raíña

2010-01-28T17:56:00.001+01:00

. Os comerciantes e veciños da rúa trasladaron esta reivindicación ao GMPP

· Teresa Taboada suxire que os magnolios da Raíña se poden por riba para dar unha "boa imaxe"

Xoves, 28 de xaneiro de 2010.- A edil popular Teresa Taboada suxiriulle ao concello a poda e mellora dos magnolios da rúa da Raíña.

A concelleira fíxose eco das reivindicacións de comerciantes e veciños desta céntrica rúa. Ambos colectivos solicitan que as árbores se poden tamén por riba, posto que o Concello se limita a curtar as pólas da parte máis baixa.

O GMPP suxire, polo tanto, a mellora destes magnolios agora que se aproxima o tempo de poda. "É unha suxerencia máis dende a nosa postura de oposición constructiva", recalcou Teresa Taboada.

O GMPP propón ao goberno local que poña en marcha un sistema para atención de emerxencias das 631 persoas con discapacidade auditiva do concello

2010-01-27T17:21:00.001+01:00

· Os populares reuníronse coa directiva da asociación lucense de xordos para coñecer as súas problemáticas e presentarlles distintas iniciativas encamiñadas a mellorar as súas posibilidades de comunicación

Mércores, 27 de xaneiro de 2010.- O GMPP propón que se poña en marcha un sistema que permita aos xordos comunicarse coa policía local. O sistema permitirá que as persoas con esta discapacidade poda comunicarse por mensaxe de teléfono móvil coa policía local, quen axudaría ao cidadán en situación de emerxencia.

Para iso é necesaria a creación dun rexistro polo que os populares propoñen que para a súa elaboración se estableza un convenio co colectivo afectado. Neste rexistro poderanse inscribir todas as persoas xordas que residan no concello. Con este rexistro, a Policía Local terá os datos das personas inscritas y poderá actuar en caso de que calquera delas sufra unha emerxencia. Coa posta en marcha deste servizo mellorarase a calidade de vida das personas con discapacidades auditivas, que vivirán con máis "tranquilidade".

Sofía López Liñares afirmou que hai que “poñer en marcha distintas medidas adaptadas ao presente, e con visión de futuro, que beneficien aos 631 lucenses que teñen algunha discapacidade auditiva” .

A concelleira popular é partidaría de que as administracións fagan un traballo continuado, e afirma que con pequenas aportacións como a deste sistema se contribúe á mellorar a calidade de vida deste colectivo.

Reunión directiva asociación lucense xordos.-
Os populares presentaron esta iniciativa á directiva da Asociación lucense de xordos. Concelleiros do grupo entre os que estaba o seu voceiro, Jaime Castiñeira, xunto coa responsable de asuntos sociais, Sofía López Linares, recolleron as suxestións do colectivo comprometéndose a colaborar “para mellorar, no ámbito municipal, os sistemas de información e comunicación”.

Pola súa banda a directiva da Asociación explicou aos populares cales son as súas principias problemáticas. Entre outras cousas solicitan que se incremente a sinalización de emerxencia sonora e luminosa, maior número de paneis informativos e que estean visibles e campañas de sensibilización sobre as problemáticas deste colectivo ... etc

Enrique Rozas lamenta la irresponsabilidad política de Orozco, que recurre a la descalificación personal porque no puede desmentir hechos absolutament

2010-01-27T17:19:00.000+01:00

· Calificar de "anécdota" la falta de efectivos en los servicios de Policía y Bomberos supone tomarse a broma la seguridad de los lucenses

· El alcalde opta por la descalificación personal de un miembro de la corporación elegido tan democráticamente como él

· "Le iría mejor a la ciudad si el esfuerzo que invierte en atacarme lo emplease en preocuparse por el correcto funcionamiento de estos cuerpos", sentenció Rozas

Miércoles, 27 de enero de 2010.- El concejal popular Enrique Rozas asegura que el alcalde opta por la descalificación personal porque "sabe cuál es la realidad y sabe bien que lo que digo es absolutamente cierto".

El edil popular recordó que Orozco no fue capaz de desmontar con documentos "en ninguna ocasión" sus afirmaciones. Para Rozas, esto representa un "intento de silenciamiento del trabajo de la oposición", algo que no puede permitirse ninguna corporación dirigida por el que presume de ser el "sumo pontífice de la democracia".

"Orozco está nervioso, eso es evidente, y que está falto de ideas se nota en sus reacciones", lamentó Rozas. El concejal popular criticó al alcalde socialista por "tomarse a risa" la seguridad de los lucenses, ya que ayer Orozco calificó de "pequeñas anécdotas" asuntos relativos a la protección ciudadana.

El concejal popular instó al alcalde a "en lugar de volcar todos sus esfuerzos en mi persona, con denuncia a la Fiscalía incluida, que los dedique a garantizar la seguridad de todos los lucenses". Rozas hizo hincapié en la necesidad de dotar de medios humanos y materiales, y de organizarlos servicios de seguridad de este ayuntamiento, como son Policía y Bomberos. El concejal popular preguntó "qué garantías de seguridad puede dar a los lucenses una persona que es incapaz de salvaguardar su propia casa", en alusión a los robos cometidos en la Casa Consistorial y ya denunciados por el GMPP.

El edil recordó que el alcalde ya lleva tres concejales de Protección a la comunidad con dedicación exclusiva y dos directores generales que, aún así, "ambos servicios funcionan cada vez peor". Finalmente, Enrique Rozas exigió "como mínimo, respeto por un compañero de corporación elegido tan democráticamente como él", al tiempo que instó al alcalde a "una disculpa pública".

A Comisión de Benestar Social forza ao equipo de Orozco ás melloras de accesibilidade propostas polo GMPP

2010-01-26T17:33:00.000+01:00

· Socialistas e nacionalistas recoñeceron a conveniencia das iniciativas efectuadas polo GMPP

· Sofía López Linares amosouse "contenta" coas melloras, inda que non sexan suficentes

· A concelleira popular solicita tamén a intervención da Comisión de Benestar Social no regulamento e na constitución do Consello de Maiores

Luns, 26 de xaneiro de 2010.- Os integrantes do PSOE e o BNG na Comisión de Benestar Social recoñeceron na reunión de onte a conveniencia das melloras de accesibilidade propostas polo GMPP.

Este organismo, presidido pola concelleira Sofía López Linares, aprobou tres das cinco melloras presentadas polo PP para as Oficinas Administrativas do Concello no Seminario. En concreto, a Comisión de Benestar Social aprobou a instalación dunha nova mesa adaptada para que os discapacitados físicos poidan cubrir documentos, o arranxo nos baños de persoas con mobilidade reducida e a rotulación no chan.

Todas estas medidas foron estudadas grazas á iniciativa popular e á sensibilidade que amosou o grupo municipal. Por iso, a concelleira Sofía López Linares amosouse "contenta", inda que "a satisfacción non é total", dado que "queda moito por mellorar".

López Linares matizou que o PP segue defendendo que se rebaixe o mostrador do padrón, porque a solución que propón o equipo de Orozco "supón unha discriminación" para as persoas que empregan cadeira de rodas.

Amais, a concelleira popular reclama unha mellor rotulación da palanca que permite o mecanismo de subida e baixada do punto de información.

Consello de Maiores.-

Por outra banda, López Linares pensa que o concello "dá excusas de mal pagador" á súa pregunta de por qué, un ano despois, o Consello de Maiores segue sen constituírse, inda que o Concello prometera telo en marcha no verán pasado.

A mala xestión de Orozco reflíctese tamén en materia social, posto que emprega os regulamentos dos centros sociais da Piringalla e do Maruxa Mallo como excusa para "non ter avanzado nada" no Consello de Maiores.

López Linares solicitou tamén que se engadise como participantes aos membros da Universidade Senior. A concelleira popular solicitou ademais que sexa a Comisión de Benestar Social a que dea o visto bo ás bases que regularán o consello de Maiores.

O GMPP presenta un rogo para a mellora dos puntos WI-FI

2010-01-26T17:25:00.000+01:00

· Cristina Ares comprobou que só funcionan perfectamente os puntos do CEI e do Centro Social de Fingoi

· A conexión é boa só nun de cada catro puntos anunciados

· A concelleira popular reclamou tamén unha mellor sinalización destes puntos

Luns, 26 de xaneiro de 2010.- O Grupo Municipal do Partido Popular presentou un rogo para a mellora dos puntos de conexión sen fíos a Internet (puntos WI-FI).

A edil popular Cristina Ares afirmou que só funcionan correctamente os puntos do Centro de Empresas e Innovación (CEI) e do Centro Social de Fingoi. "A realidade choca frontalmente cos 20 puntos que Orozco anunciou a bombo e platillo", sentenciou.

Ares chequeou todos os puntos WIFI anunciados polo concello o pasado luns 18 de xaneiro, e comprobou que a conexión so funciona nun de cada catro puntos anunciados.

A concelleira considera que "pasou un tempo máis que razoable" para que estes puntos funcionasen á perfección. Cristina Ares lembrou que transcorreron máis de dous meses dende a súa posta en marcha.

O GMPP solicita, ademais, neste rogo que se indique "claramente" onde se atopan os puntos wifi e cómo conectarse a Internet. Ares pediu tamén que se ubique alomenos un punto de conexión sen fíos en todos os centros sociais do Concello para aumentar o atractivo destas instalacións, sobre todo entre a xente nova.

Mellor sinalización.-

O escrito, que irá ao pleno do vindeiro luns 1 de febreiro, recolle tamén as deficiencias na sinalización destes puntos de conexión sen fío. Ares asegurou que "os cidadáns que desexen conectarse teñen que perder bastante tempo en averiguar ónde e cómo facelo".

A concelleira tamén lamentou que o mal funcionamento destes puntos "non cumpra co obxectivo de acercar á xente nova aos centros sociais".

Ares condenou que "a mala xestión de Orozco" provoca que os lucenses non se poidan estar beneficiando das boas condicións horarias dos centros sociais, que abren as fis de semana.

Constituídas as sete comisións de traballo da xunta local do PP

2010-01-26T10:29:00.002+01:00

· Jaime Castiñeira “pulsaremos as bases do partido na busca de propostas que melloren Lugo”

· Outro reto da xunta local será “ilusionar” aos lucenses co proxecto popular para acadar un triunfo electoral na primavera de 2011

· Os concelleiros do grupo municipal terán un papel activo dentro deste organigrama

Luns, 25 de xaneiro de 2010.- O presidente da xunta local do PP, Jaime Castiñeira Broz, mantivo esta tarde unha reunión de traballo cos presidentes das distinas comisións que funcionarán no seo do comité local.

Durante o encontro constituíronse as sete comisións que estaban anunciadas e máis fixouse a axenda dos temas a tratar. Castiñeira indicou que entre outros obxectivos “o que se busca é pulsar a opinión das bases do partido así como de distintos colectivos para recoller propostas para mellorar Lugo”·.

Os concelleiros do grupo municipal terán un papel activo nestas comisións. Un concelleiro do grupo participará en cada unha delas co obxecto de coordinar as accións que se leven a cabo co traballo do equipo do concello.

Castiñeira indicou que a estructura de traballo non é pechada, e deixou aberta a posibilidade a que se formen novas comisión sde traballo de asuntos de vital importancia para o futuro da cidade.

Forman parte da:

- Comisión sénior: Luis Pérez Vila (coordinador), Serafín Rodríguez, Alicia Peña Murias.

- Comisión de turismo.- Paloma Vázquez Fernandez (coordinadora), Angel Trabada, José Antonio Díaz Escolante.

- Comisión novas tecnoloxías.- Ignacio Somoza Vila (coordinador), Raquel Castiñeira Castelo, Cristina Ares.

- Comisión tráfico e transporte .- Enrique Rozas López (coordinador), Jesús Fandiño Sánchez, Alicia Rebolo Rivas.

- Comisión de comercio e industria.- Teresa Taboada Candal (coordinadora), Juan Castro Gil, Roberto Lucas Cabanas

Canto a comisión sanidade e a de educación actuarán como enlace coas comisións que funcionan a nivel provincial as concelleiras Sofía López Linares e Alicia Peña Muras.

O presidente da xunta local, Jaime Castiñeira, explicou que o reto que se marca o equipo da xunta local é traballar duro para ilusionar á xente. A defensa do proxecto do PP ten unha finalidade clara conseguir o triunfo para o partido nas municipais”.

O GMPP acusa ao goberno de Orozco de “incompetencia” á hora de poñer en práctica a última reforma da policía

2010-01-25T17:26:00.001+01:00

· Enrique Rozas: “Non transcurriron nin 24 horas, dende a súa entrada en vigor, sen que se producisen fallos inexplicables como tardar máis de tres horas en realizar unha proba de alcoholemia”

Luns, 25 de xaneiro de 2010.- O gmpp denuncia o fracaso da última reestructuración da policía local que entrou en vigor o pasado venres. O concelleiro popular, Enrique Rozas, considera “unha tomadura de pelo que nin transcurridas 24 horas dende que se pon en marcha esta reforma se cometan graves anomalías”.

O edil popular explicou como “a un conductor dun vehículo que sufriu un accidente non se lle puido practicar a proba de alcoholemia ata tres horas despois”. O suceso tivo lugar ás tres da madrugada da noite do venres ao sábado na rúa Camiño Real.

Cronoloxía dos feitos:

- A unidade de tráfico que se despraza ata Camiño Real a realizar o atestado traslada ao conductor ao cuartel da policía local.

- Como os axentes que había nese momento de servizo non pertencían a unidade de atestados non dispoñían das claves de acceso aos equipos informáticos para realizar o correspondente atestado.

- Dáse traslado ao conductor ás dependencias da garda civil para realizar a proba da alcoholemia. Non se puido levar a cabo porque os efectivos estaban, nese momento, con controis na rúa.

- Os axentes volven a trasladar ao cuartel da policía ao conductor do vehículo siniestrado. Pasadas as catro da mañá se reclama a presenza do responsable de atestados que, pese a non estar de servizo, acude para realizar a proba de alcoholemía.

- As seis da mañá finaliza a proba.

Efectividade en tea de xuizo.-

Á vista deste caso o grupo popular volve a poñer en tea de xuízo a efectividade desta última reforma da policía local de Lugo. Rozas puntualiza que “unha estructura da policía debe facerse pensando en dar servizo aos cidadáns, en clave estrictamente profesional”. Para os populares esta última reforma é similar ás anteriores reestructuracións do corpo “simplemente obedece a criterios políticos realizados por un incompetente en materia policial que vén demostrando, reforma tras reforma, o seu nulo coñecemento para estar ao fronte deste servizo”.

O concelleiro popular pediu responsabilidades ao alcalde para que como “mínino” e, xa que a reforma da policía depende directamente da súa dirección, se acometa sen fallos “tan chamativos” como o ocorrido esta fin de semana.

O GMPP critica a “apatía” do goberno de Orozco pola escasez de medios humanos e materiais no parque de bombeiros

2010-01-25T17:23:00.001+01:00

· O incendio, esta fin de semana, de dous camións na Campiña puxeron en evidencia as carencias do servizo, xa que só se puido mobilizar un único efectivo para atender outra saída simultanéa no Carqueixo

· Rozas reclama que se cubran, canto antes, as cinco prazas vacantes do servizo

· Outro exemplo da desidia do goberno local é que, durante un mes, un dos camións que máis se utiliza estivo parado, cando a avaría do vehículo era “mínima e tiña unha doada solución”

Luns, 25 de xaneiro de 2010.- O Grupo Municipal do Partido Popular pediu, en rolda de prensa, que se cubran, canto antes, as prazas vacantes da Relación de Postos de Traballo no que respecta ao corpo de bombeiros.

O concelleiro popular, Enrique Rozas, explicou que esta mesma fin de semana se puxo en evidencia esta carencia de medios humanos. Mentres cinco dos seis efectivos que había no parque acudiron á sofocar o incendio de dous camións na Campiña. O xefe de bombeiros tivo que acudir só a cubrir outra saída no Carqueixo. Neste último caso “afortunadamente” era para controlar un incendio duns neumáticos.

Rozas pregúntase ¿que houbese pasado se fóra algo máis grave?. “Que non nos chamen alarmistas xa que o único que desexamos é que non ocurra algo do que despois teñamos que lamentarnos”, declarou Enrique Rozas.

Neste momento no corpo de bombeiros hai cinco vacantes dispoñibles e dúas máis que quedarán vacantes, no que queda de ano, por xubilacións. No parque de bombeiros hai 45 efectivos que conforman o cadro de persoal, os efectivos teñen unha media de idade moi elevada.

A apatía do goberno: camión inutilizado un mes

O concelleiro popular puxo riba da mesa outra proba do desinterese do goberno local con este servizo referiuse a un dos camións que máis se utiliza na extinción de incendios e accidentes e que estivo parado todo este mes de xaneiro “cando a avaría é mínima e ten unha doada solución”. Precisamente foi o pasado venres cando recuperou a actividade.

O concelleiro popular, Enrique Rozas, indicou que este camión é o que ten o maior depósito de auga, con 4.000 litros de capacidade e que conta cun equipo de excarcelación integrado no propio vehículo.

Amáis os populares puxeron de manifesto outras carencias no resto dos camións. Rozas destacou as dificultades que os efectivos do corpo lucense tiveron durante o temporal xa que, por mor do camión que está inutilizado no parque móvil, só se dispoñía dunha motoserra para cortar as ramas e árbores que caeron nas pistas.

O GMPP reclama medidas para que os suplentes de cursos municipais non paguen as cuotas de inscripción

2010-01-24T00:38:00.000+01:00

O GMPP reclama medidas para que os suplentes de cursos municipais non paguen as cuotas de inscripción

· Na comisión de suxestións, que preside a popular Cristina Ares, presentaronse queixas por ter fóra servizo os ordenadores do Centro Uxio Novoneyra así como por fallos no transporte público

Lugo, 24 de xaneiro de 2010.- Neste mes de xaneiro presentáronse á comisión de suxestións que preside a popular Cristina Ares: DÚAS suxestións e CINCO reclamacións.

- Unha vez máis se repiten as queixas sobre a falta de puntualidade nos autobuses e a ausencia dun sistema de información aos usuarios para saber o tempo que teñen que agardar na parada ata que chegue o autobús volven á comisión. Relacionado co transporte urbano figura outra queixa máis, neste caso os usuarios con dificultade de mobilidade se queixan de que os buses non se achegan o suficiente ás beirrúas nas paradas.

- En materia de tráfico un veciño suxire que se sinalice un paso de peóns entre as rúas Rei Chiquito e Atalaya.

Repítese unha queixa efectuada o 26 de outubro na que se pedían explicacións dos motivos polos que as máquinas da ORA non facilitan.

- Un usuario queixase porque os ordenadores do Centro Uxío Novoneyra están fóra de servizo. A concelleira delegada, Luisa Zarzuela, indicou que se desconectaron no Nadal porque os usuarios molestaban aos que estaban na biblioteca. A solución que comprometeu é trasladalos a outras salas.

- A concelleira popular chámalle á atención a contestación do concello diante das queixas de cidadáns polo excesivo tempo de espera para realizar tramites no rexistro. O concello avanza que hai pouco persoal e que “está á espera de que unha nova reestructuración dos efectivos permita dotar axeitadamente a esta dependencia”.

- O idioma é outro motivo de queixa veciñal, non é a primeira vez que se reciben reclamacións porque non están disponibles impresos de castelán nas dependencias municipais.

DAS CONTESTADAS.-

- O Grupo popular solicitáralle ao goberno local que de cara a vindeira edición dos cursos de animación sociocultural se clarifique mellor o listado de admitidos e de suplentes. Neste curso déronse varios casos nos que suplentes aboaron a cota inscripción e o concello lles contesta que non teñen dereito a devolución dos cartos ingresados.

- Cristina Ares valora de xeito positivo que con respecto á demanda de accesibilidade nas dependencias municipais o goberno local afirme que “toma nota das suxestións e procederán a implementar as medidas necesarias”.

PENDENTES DE CONTESTACIÓN FÓRA DE PRAZO

Urbanismo e Réxime Interior de protección á comunidade acumulan varias reclamacións pendentes de informe.

O PP pon a punto a engranaxe do partido de cara ás vindeiras eleccións

2010-01-23T00:22:00.000+01:00

· O presidente da xunta local, Jaime Castiñeira iniciou hoxe cos responsables de distritos do concello o calendario de encontros de traballo

Xoves, 21 de xaneiro de 2010.- O Presidente da xunta local do PP de Lugo, Jaime Castiñeira mantivo hoxe un encontro cos responsables dos seis distritos do concello de Lugo. No encontro, participou o Presidente Provincial do PP, José Manuel Barreiro, así como os concelleiros do Grupo Municipal.

Castiñeira explicou que o obxectivo desta xuntanza é preparar a axenda de traballo de cara ás eleccións municipais que terán lugar na primavera de 2011 “esa é a prioridade que nos marcamos para os próximos meses e por iso arrancamos o calendario de reunións cos responsables dos cinco distritos da cidade o distrito rural”.

A vindeira semana levarase a cabo unha sesión de traballo na que participarán os presidentes das distintas comisións que se crearon no seo da xunta local e que abarcan os ámbitos de tráfico e transporte, turismo, novas tecnoloxías, comercio e industria, sanidade, educación e sénior ”.

O Presidente da xunta local, Jaime Castiñeira, recalcou que se volcará para “poñer a punto” a engranaxe do partido de cara á vindeira cita electoral e na reunión de hoxe propuxo que en cada sección haxa un coordinador que se responsabilizará de incrementar ao traballo a pé de rúa.

O GMPP visitou a zona de Piñeiro (Muxa) para comprobar o estado lamentable da pista que une a Ronda Norte co lugar de Piñeiro

2010-01-23T00:21:00.000+01:00

• O mal estado do firme provocou varios sinistros no principio da estrada

• A ruta tamén incluíu unha visita ao punto de recollida de plásticos agrícolas de Mazoi

Lugo. 21 de xaneiro de 2010.- O voceiro do GMPP Jaime Castiñeira e o responsable de área Manolo López, visitaron a pista que enlaza a Ronda Norte co lugar de Piñeiro.

Os populares fíxeronse eco das reclamacións de veciños e comprobaron in situ a curva de entrada ao lugar, recentemente reparada con fondos do Plan E.

O xeo converte a estrada nunha pista de patinaxe, o que se ve reflectido na caída do muro por mor das saídas de vía de varios vehículos. Os problemas continúan ao longo da estrada, con numerosos baches e socavóns.

A situación agrávase incluso aínda máis co lodazal no que se converte a estrada cando chove, posto que a chuvia arrastra a terra do polígono das Gándaras.

A xuízo do edil Manolo López, a de Piñeiro é unha pista que “é un perfecto exemplo” do estado das pistas do rural de Lugo. A desidia de Orozco levou ao rexedor a distinguir no municipio entre cidadáns de primeira e cidadáns de segunda.

López asegurou que “o alcalde sempre defende que os veciños do rural teñen os mesmos dereitos que os da capital, pero parece que estas declaracións quedan en meras intencións pronunciadas en festas”.

Punto de recollida de plásticos agrícolas.-

Os concelleiros tamén visitaron o punto de recollida de plásticos agrícolas de Mazoi. Volveron comprobar in situ que se trata máis ben “dun vertedeiro incontrolado”. Malia que o GMPP xa denunciara en múltiples ocasións o mal estado deste punto, parece que ao Concello non lle preocupa en absoluto a zona rural.

O equipo de Orozco segue sen aumentar o número de puntos de recollida de plásticos agrícolas, tal como prometera. A día de hoxe, o concello só conta con tres puntos específicos que non cubren a demanda (todos eles creados baixo a presenza do presidente provincial Xosé Manuel Barreiro como conselleiro de Medio Ambiente).

A ausencia de puntos de recollida de plásticos agrícolas crea un verdadeiro problema aos gandeiros para a eliminación destes residuos. Hai que ter en conta que a normativa europea esíxelles un protocolo de eliminación.

O GMPP denuncia un retraso de seis anos na apertura do Parque dos Paxariños

2010-01-21T21:21:00.000+01:00

· Teresa Taboada asegurou que “se Orozco está tan preocupado está polos prazos do hospital, que nos dea unha resposta de cándo pensa concluír esta obra”

· A concelleira popular presentou unha batería de preguntas para coñecer a situación doutros proxectos medioambientais da cidade

Lugo, 21 de xaneiro de 2010.- O GMPP presentará unha batería de preguntas nas pide explicacións ao goberno local por diferentes actuacións, en materia medio ambiental, e que levan moitos anos de retraso. A primeira que chama a atención da concelleira popular Teresa Taboada é o “abandono” do parque dos Paxariños.

“Estamos diante dunha infraestrutura eternamente en obras”, subliñou a concelleira popular Teresa Taboada. Nese senso a concelleira popular quere saber cal previsión exacta de apertura desta zona de esparcimento.

A edil popular quere saber “cando se vai poder usar en condicións” esta infraestrutura, xa que o alcalde comprometeuse a telo listo en 2004. Taboada recriminou que o rexedor volvera a mentir fai un ano cando dixo que “faltaban pequenos remates” e, incluso, ao inaugurar o parque antes de telo listo para a súa apertura.

Taboada defendeu que o alcalde “amosa tal pasotismo co parque dos Paxariños que incluso deixa sen gastar máis das tres cuartas partes do presupostado para este fin”. A concelleira popular asegurou ademais que “se Orozco anda tan preocupado polos prazos do hospital, que empece el a facer públicas as datas de apertura das súas infraestruturas”. “O estamos nelo xa non vale”, sentenciou Taboada.

Deficiencias.-

O parque dos Paxariños presenta a día de hoxe a canalización de auga non soterrada, barandillas provisionais, falta de pavimento, carencia de iluminación e servizos tan básicos como farolas, papeleiras ou asentos…

Ademais, os veciños de Lugo poden atoparse restos de obra por todas partes, lousetas de formigón apiladas, restos de grava sobre o terreo… En definitiva, o parque non se atopa nas condicións “mínimas” de calquera espazo ao que os cidadáns poden acceder, xa que entraña perigosidade para nenos, anciáns e para todos en xeral.

Pasotismo de Orozco.-

O pasotismo de Orozco en materia medioambiental afecta tamén ao parque Rosalía de Castro. O rexedor ten “totalmente parada” a contratación do estudo fitosanitario das árbores deste parque. En concreto, Orozco só invertiu un quinto das cantidades presupostadas no entorno de Rosalía de Castro.

A desidia do alcalde tamén se reflexou na non reposición de árbores. Orozco tampouco confirmou a súa resposta á proposición veciñal de contratar un grafólogo para investigar a identidade dos grafiteiros.

O GMPP propón a distinción co símbolo SIA dos establecementos adaptados para discapacitados

2010-01-20T18:47:00.001+01:00

· Trátase dunha iniciativa pioneira en Galicia

· A concelleira popular Sofía López Linares demandou ademais a creación dun plano-rueiro específico e a posta en marcha dunha guía especializada de recursos accesibles

· López Linares entende que “non é unha cuestión de diñeiro, senón de vontade e xestión”

Lugo, 20 de xaneiro de 2010.- O GMPP propón un impulso do turismo accesible para a cidade de Lugo. Para elo, os populares presentarán unha iniciativa que irá ao próximo pleno do 1 de febreiro.

Sofía López Linares solicitou que o Gabinete de Accesibilidade, dependente do concello, realice un diagnóstico da situación do turismo accesible. A partir deses datos, un Consello de Accesibilidade debería elaborar propostas de mellora dos establecementos que así o soliciten “de xeito voluntario” e, finalmente, a elaboración dun informe. O proceso culminaría coa entrega de logos de accesibilidade, o SIA (Símbolo Internacional de Accesibilidade) ás empresas que acrediten as condicións requeridas.

A concelleira popular asegurou que se trata dunha cuestión “de vontade e de xestión”, non de diñeiro, polo que emprazou á corporación a contemplar “con bos ollos” esta proposta popular.

Iniciativa pioneira en Galicia.-

López Linares apuntou tamén que “con esta iniciativa, Lugo situaríase á cabeza do turismo accesible en toda Galicia”, xa que ningunha das urbes da comunidade conta con este plan que hoxe propuxo a concelleira popular. Esta proposta “colocaría a Lugo no mapa do turismo accesible” a nivel estatal.

Plano-rueiro e guías específicas.-

Por outra banda, o GMPP tamén insta ao goberno local para que cree un plano-rueiro accesible con indicacións das prazas de aparcamento reservadas para persoas con mobilidade reducida, itinerarios accesibles, zonas de fácil acceso aos lugares de interese turístico, así como as ubicacións de aseos públicos adaptados, entre outras medidas.

A concelleira solicitou ademais a creación dunha guía de recursos accesibles da cidade de Lugo que inclúa todos os establecementos previamente distinguidos co logo por parte do gabinete.

Medida social, non socialista.-

A concelleira popular lamentou que “ningún dos responsables das cidades gobernadas por xentes que presumen de seren progresistas” fagan nada para a mellora do turismo accesible. “É paradóxico que sexan eles os que se aproveitan de etiquetas como progresismo ou medidas sociais cando o PP presenta continuamente propostas para melloras no eido social”.

López Linares matizou que se trata dunha “proposición aberta” ás propostas dos outros grupos. A concelleira popular asegurou que Orozco ten diante un bo exemplo para comezar a facer “gasto social e non socialista”, contra a tendencia que caracterizou as tres lexislaturas do PSOE.

O GMPP denuncia que o Concello envía notificacións de sancións da Policía Local asinadas por un axente xa xubilado

2010-01-20T12:43:00.000+01:00

· Enrique Rozas advirte que nos podemos atopar ante un delito de falsidade de documento público e de usurpación de funcións e pide responsabilidades ao goberno local por esta “nova chapuza”

· O concelleiro popular sinalou que “inda é máis grave” que nunha das sancións o denunciante foi un vixiante do sistema ORA, cando a competencia é dun Axente de Mobilidade ou dun Policía Local

Lugo, 19 de xaneiro de 2010.- O Grupo Municipal do Partido Popular denunciou hoxe o envío de boletíns de notificacións da Unidade de Sancións da Policía Local con data posterior á xubilación do axente responsable.

Estas denuncias están asinadas o 2 de decembro polo inspector principal, o que chama a atención cando dito responsable se xubilou o 28 de novembro de 2009.

Rozas afirma que “se isto é grave”, inda o é máis que nunha notificación figura como denunciante un controlador do Sistema ORA nunha infracción por un estacionamento con lugar sinalizado de parada para o autobús urbano. O concelleiro popular lembrou que este tipo de denuncias só poden ser efectuadas por axentes de Mobilidade ou por axentes da Policía Local. Resulta “incomprensible” que o Concello dea validez ás denuncias efectuadas por quen non deixa de ser un particular, e que determinan a incoación, nada menos, que dun procedemento sancionador.

A xuízo de Rozas, “este é un exemplo máis de que a reestruturación da Policía Local realizada polo señor Rábade é un auténtico fracaso e pon unha vez máis en evidencia a falta de control e xestión que existe neste corpo”.

“A anarquía e o despropósito da Policía Local, e en concreto neste negociado, é tal que desde a jubilación deste axente, a día de hoxe non se nomeou ningún responsable para unha unidade tan importante coma esta”. Rozas solicitou unha maior implicación por parte dos responsables municipais á hora de mellorar o servizo. “Deberían adicarse máis a organizar e dirixir en vez de perseguir aos propios axentes”. Os 96.000 habitantes de Lugo non teñen por que pagar a “incompetencia dos seus responsables, encabezados polo señor alcalde”.

Rozas explicou que “a realidade é que a apatía e a desidia por parte de Rábade é tan grande que , se se ve incapaz de dirixir e organizar o corpo, o mellor servizo que podía facerlle a esta cidade é marcharse”.

O concelleiro popular lembrou tamén que entre as funcións do Director Xeral da Policía están as relacionadas con unidades e postos de traballo que forman parte da Policía Local de Lugo, incluída o negociado de sancións. Rozas preguntouse se “esta é a idea que o señor Diéguez ten de funcionamento dun servizo tan importante”. “É a enésima proba do seu descoñecemento total e absoluto da organización e dirección dun corpo tan importante coma este”.

O GMPP, satisfeito polo consenso acadado para o nome do novo Hospital de Lugo

2010-01-19T17:24:00.000+01:00

Lugo, 19 de xaneiro de 2010.- O voceiro do grupo popular, Jaime Castiñeira, aplaude que a Consellería de sanidade buscase o maior consenso posible para bautizar como “Hospital Universitario Lucus Augusti” ao futuro hospital da capital lucense.

Dende o Grupo Popular se apostou dende o primeiro momento por nomes xenéricos, entre os que figuraba o Lucus Augusti, adicando servizos ou instalacións a profesionais eminentes da medicina de Lugo. Os nomes que quedaron en carteira nomes bautizarán futuros espacios desta infraestructura.

O GMPP, satisfeito co compromiso da Conselleira Sanidade, quen ve “moitas posibilidades” para un centro na zona oeste do Miño

2010-01-19T17:23:00.000+01:00

· Castiñeira e Barreiro entrevistaronse esta mañá con Pilar Farjas para trasladarlle esta demanda veciñal

Martes, 19 de xaneiro de 2010.- O voceiro do GMPP, Jaime Castiñeira, agradeceu a boa recepción por parte da Conselleira de Sanidade que se comprometeu realizar un estudo e buscar unha solución para mellorar a asistencia sanitaria dos veciños na parte oeste do Miño.

O Presidente Provincial, José Manuel Barreiro e Jaime Castiñeira, facéndose eco das peticións veciñais, propúxollernlle esta mañá, a Pilar Farjas que se revise o Plan Funcional de área “coa apertura do novo hospital ábrese a posibilidade de facer cambios nas cartillas dos pacientes que viven nesta zona de Lugo e que na actualidade vense obrigados a acudir a outros centros de saúde”.

Segundo o voceiro popular, Jaime Castiñeira, Pilar Farjas dixo que “ve moitas posibilidades e que fará, todo o que estea na súa man, para buscar na zona unha dotación que evite aos veciños desprazarse ata o centro de Fingoi”.

Con respecto ao centro do Sagrado Corazón Castiñeira indicou que a Consellería está pendente da aportación de terreos por parte do concello.

O GMPP dá o visto bo a unha empresa mixta de turismo que chega “moi tarde”

2010-01-19T10:05:00.000+01:00

· Castiñeira anuncia unha “férrea labor de control” desta empresa

Lugo, 18 de xaneiro de 2010.- O voceiro do GMPP Jaime Castiñeira sinalou que o PP deu o seu visto bo á memoria da creación da empresa mixta de turismo. Con todo, Castiñeira lamentou que un proxecto fundamental chegue “tan tarde”.

Para o voceiro do GMPP, “a falta de xestión de Orozco durante os últimos dez anos” provocou que Lugo quedase turisticamente “descolgada”. Castiñeira condenou que “non estamos á altura de cidades moito menores en tamaño de habitantes e con moito menos patrimonio”.

O GMPP deu o visto bo ao proxecto logo de analizar as modificacións producidas na memoria. Inda así, Castiñeira anunciou que exercerá “un control ríxido do gasto” para que non se convirta no “enésimo chiringuito de Orozco”.

O GMPP acusa ao goberno de Orozco de desperdiciar material promocional da muralla que custou 18.000 euros

2010-01-18T10:24:00.004+01:00

· Hai catro anos o PP denunciou que unha reproducción a escala da muralla, que custou 18.000 € estaba tirada nun almacén municipal; hoxe en día continúa no mesmo lugar

· Os populares presentarán unha iniciativa para que se restaure e se reubique nalgunha dependencia do concello ou nanlgunha outra dependencia que dignifique a obra, e polo tanto á propia muralla

Lugo, 18 de xaneiro de 2010.- O grupo municipal do PP presentará unha iniciativa para pedir que se restaure a maqueta da muralla que está abandonada no almacén do parque de bombeiros e que se reubique nalgunha dependencia municipal.

Ao concelleiro popular José Antonio Díaz Escolante chámalle a atención que o goberno local, por un lado, gaste en propaganda do Lugo 10 para a posta en valor da muralla e, por outro lado, teña nun almacén tirado material, que se encargou para promover o monumento romano en eventos culturais e feiras de promoción turística, e, polo que pagou 18.000 euros. Os populares consideran “grave que Orozco” pase por alto esta cuestión sobre todo cando, dende as filas populares, xa lle advertiron, hai catro anos, que a maqueta da muralla romana se estaba a deteriorar.

A día de hoxe, tanto a vitrina coa reprodución a escala da muralla e o mostrador de fibra seguen tirados no almacén do Parque Municipal de bombeiros lugar sen ningún tipo de protección. Os populares consideran que este é un novo exemplo do gasto socialista “como paga Juan Pueblo nin nos preocupamos en recuperar un material que no seu momento vendeuse como valioso para potenciar á muralla”. O concelleiro popular pregúntase como o alcalde pode falar de redución de gastos cando por outro lado “está desperdiciando os recursos propios que xa ten".

O GMPP reclama un plan que estableza as prioridades de actuación nas pistas do rural

2010-01-18T10:19:00.002+01:00

· Manuel López advertiu que o temporal deixou intransitable algunha vía como a que une O Burgo con Calde

Lugo, 18 de xaneiro de 2010.- O concelleiro do Grupo Popular, Manuel López Fernández, pediulle ao goberno local que bote axiña unha capa de grava nun camiño que une as dúas pistas que van do Burgo a Calde xa que co último temporal quedou intransitable. O edil popular indicou que este é o único acceso ás fincas da zona.

O edil popular subliñou que neste momento é imposible circular por esta vía, e asegurou que hai outros casos similares de pistas en moi mal estado polo que reclama ao goberno local que “dunha vez por todas” elabore un protocolo que determine as obras prioritarias na zona rural para evitar que os arranxos se fagan respondendo ao grao de amizade dos que a solicitan.

O GMPP pensa que a renovación de autobuses “está ben”, pero non soluciona o grave problema do transporte público en Lugo

2010-01-18T10:14:00.001+01:00

Lugo, 14 de xaneiro de 2010.- O concelleiro popular Enrique Rozas asegurou que “é un secreto a voces que o sistema de transporte público non funciona”, e lembrou a prioridade que o GMPP lle outorga ao transporte urbano. “Os autobuses son o primeiro punto a corrixir dentro do plan de Mobilidade”, lembrou o edil popular.

“Tiveron que pasar dez anos de goberno de Orozco e tivo que vir alguén de fóra da cidade para que o equipo do alcalde entrase en razón”, censurou Rozas en alusión a un “secreto a voces”: que o número de liñas e a frecuencia de paso do transporte público de Lugo non son os máis axeitados para cubrir as necesidades dunha cidade de 96.000 habitantes.

GPS.- O concelleiro popular felicitouse de que, por fin, o equipo de goberno se fixese eco da reivindicación do GMPP realizada no seu día para dotar de GPS aos autobuses e establecer nas paradas do transporte público o tempo real de espera entre un autobús e outro.

Rozas criticou a lentitude na toma de decisións por parte do equipo de Orozco, xa que non é a primeira vez que o rexedor se fai eco de propostas do GMPP. O modus operandi do socialista é sempre o mesmo: despois de transcorrido un certo tempo de presentar iniciativas o GMPP, Orozco deixa que arrefríen, logo aprópiase delas e véndeas como se fosen propias e lembrou nesta liña o ocorrido coas PDAs para a Policía ou a implantación de microbuses eléctricos no transporte.

O GMPP lamenta a previsión “cero e nula” do concello respecto ao temporal

2010-01-18T10:10:00.001+01:00

· Só sete bombeiros atenderon as emerxencias esta pasada noite e non houbo reforzos nas quendas da Policía Local

Lugo, 14 de xaneiro de 2010.- O GMPP lamentou a previsión “cero e nula” do concello con respecto ás incidencias do temporal.

O concelleiro Enrique Rozas asegurou que o equipo de Orozco non montou ningún dispositivo especial nin para a Policía Local nin para o corpo de Bombeiros.

O edil condenou que o concello non actuase “tampouco nesta ocasión”, xa que non se trasladaron instrucións nin coa ocasión do temporal de neve da fin de semana nin do de vento da pasada noite.

Rozas sinalou que no corpo de Bombeiros só traballaron sete efectivos na quenda de onte, mentres que pola mañá o número de operativos se reduciu a seis. O edil popular denunciou que “ás 12 da mañá só quedaba un bombeiro para atender as chamadas”, xa que o resto se atopaban de servizo.

Rozas sentenciou que “un bo servizo” sería que os bombeiros da quenda de onte se quedasen durante o día de hoxe para apoiar aos seus compañeiros mentres efectuaban as súas saídas para atender as incidencias. O reforzo non se produciu en ningún dos dous temporais que afectaron á cidade na última semana en ningún dos dous corpos, indispensables para manter a seguridade dos lucenses.

A planificación, unha vez máis, brillou pola súa ausencia e a inoperancia do concelleiro responsable de garantir a seguridade dos lucenses vén demostrar a nula xestión e planificación dos servizos que del dependen.

O GMPP acusa de “deixadez de funcións” a Orozco pola situación do muro de Monte Picato, dous meses despois da súa caída

2010-01-18T10:06:00.000+01:00

· Teresa Taboada xa denunciara o mal estado da infraestrutura fai medio ano

· Nin a Deputación nin o concello resolveron o caso, que se agravou coa caída do muro en novembro

Lugo, 14 de xaneiro de 2010.- O Grupo Municipal do Partido Popular criticou esta mañá a situación do muro de Monte Picato.

Malia que a concelleira popular Teresa Taboada, xunto co voceiro da Deputación José María González Barcia, denunciou en xullo “o esquecemento socialista” coa infraestrutura, xa que “nin o Concello nin a Deputación non fixeron nada”. A situación complicouse “moi seriamente” dende a caída do muro o pasado 17 de novembro.

Logo dunha recente visita á zona, Teresa Taboada puido comprobar que a beirarrúa está ocupada polo apuntalamento do muro, o que provoca que os viandantes teñan que circular pola rúa entre os coches. Os veciños manifestaron o seu malestar pola cantidade de barro e terra que se produce ao caer do muro cando chove.

Taboada sinalou que “non existe ningunha xustificación posible con esta deixadez de funcións”. Pasaron máis de seis meses dende a primeira denuncia popular, e dous meses despois da caída.

A concelleira popular lamentou “a dobre vara de medir característica dos socialistas”, xa que o equipo de Gómez Besteiro criticara o abandono do muro. Porén, dende a súa chegada á presidencia da Deputación “non fixo nada, parece que herdou ben a forma de facer política do alcalde de Lugo”.

Os populares instaron hoxe ao Concello de Lugo a esixir á Deputación “máis implicación no coidado e o mantemento dunha zona tan usada e transitada polos veciños da cidade”. Amais, Taboada lembrou que Gómez Besteiro forma parte do grupo de goberno do Concello de Lugo, polo que lle reclamou a “súa sensibilidade” a respecto desta instalación.

O alcalde ningunea as proposicións do PP aprobadas en pleno

2010-01-18T09:57:00.000+01:00

· Jaime Castiñeira lamenta a “falta de vontade política” do alcalde en temas sociais

· Como exemplos do talante pouco democrático de Orozco os populares citaron a súa negativa a votar en pleno unha iniciativa do PP, pendente arestora de resolución do valedor do pobo, e a denuncia infundada e arquivada pola fiscalia contra un concelleiro do PP

Lugo, 15 de xaneiro de 2010.- O Grupo Municipal do Partido Popular denunciou hoxe a “dobre cara” do alcalde Xosé Clemente López Orozco. O socialista incumpre “sistematicamente” as proposicións levadas polo PP a pleno. De feito, só actuou en tres das 14 proposicións aprobadas a instancias do GMPP, o que representa un incumprimento dun 80% dos casos.

“A neglixencia do alcalde é tal que non cumpre nin as proposicións aprobadas co seu apoio”, denunciou o voceiro popular Jaime Castiñeira. O concelleiro do GMPP lembrou que oito das propostas aprobadas por unanimidade e, polo tanto, co apoio do PSOE, “quedaron no esquecemento”, como as axudas económicas a celíacos, o impulso á Banda Municipal de Música ou a integración laboral de persoas con Síndrome de Down.

Castiñeira reprochoulle ao alcalde a súa “falta de vontade política”, ao tempo que lamentou que as únicas proposicións que realmente se cumpriron “foron as que non esixían ningún traballo pola súa parte”. Neste senso, puxo como exemplos a proposición conxunta do sector lácteo galego, a da placa adicada ao Emevé e o acordo institucional sobre infraestruturas.

Sobre a última proposición presentada, a do PEPRI, o voceiro popular sostuvo que ten “moitas dúbidas” con respecto ao seu cumprimento, sobre todo “en vistas da súa actitude” con este tema.

Informe Valedor do Pobo.- Os populares tamén recordaron que están pendentes do pronunciamento do valedor do pobo con respecto ás presuntas irregularidades administrativas que o alcalde puido cometer ao negarse, ao pesar das indicacións do secretario municipal, a votar unha moción de urxencia de autoría do Grupo Popular. Castiñeira aclarou que a Orozco "non lle gusta que ninguén lle controle, pero para iso elixíronnos os lucenses, para fiscalizar o labor do seu Goberno".

O voceiro popular non pasou por alto outro caso sucedido en 2009 e que reflicte o “talante” do alcalde lucense recordando como Orozco chegou a presentar, a través do Director Xeral da Policía, unha denuncia contra o concelleiro Enrique Rozas, sendo esta tan pouco consistente que o propio fiscal de Lugo arquivouna aos poucos días por non apreciar indicio algún de delito.

Escolares de educación infantil de Lugo, sen material didáctico porque Orozco é incapaz de tramitar axudas prometidas en verán

2010-01-18T09:33:00.000+01:00

· O alcalde prometeu axudas para material escolar que, no segundo trimestre do curso, inda non concedeu

· A falta de xestión de Orozco contrasta coa celeridade da Xunta, que en pouco tempo aboou todas as subvencións

Lugo, 10 de xaneiro de 2010.- O GMPP criticou a demora do alcalde no pago de axudas para material escolar de educación infantil, tal como Orozco prometera fai medio ano.

O rexedor presumiu en verán “de conceder estas axudas de material escolar para os alumnos de educación infantil máis necesitados, pero a día de hoxe foi incapaz de cumprir coa palabra dada, e non pagou nin un só euro aos beneficiarios desta axuda, cando xa transcorreu un trimestre do curso académico.

A concelleira popular Alicia Peña censurou que nos atopamos ante “un exemplo máis da nefasta capacidade de xestión do alcalde”.

Contraste coa Xunta.- Fronte a esta demora dos socialistas, Peña contrapuxo a actitude da Xunta. O organismo autonómico xa aboou as subvencións concedidas aos alumnos de Primaria e Secundaria da cidade.

En concreto, o departamento que dirixe Jesús Vázquez pagou a totalidade das axudas “en pouco tempo”, tal como subliñou a concelleira Alicia Peña.

O voceiro do GMPP, Jaime Castiñeira, reúnese este martes con Farjas para falar da viabilidade dun centro de saúde na parte oeste do río

2010-01-14T13:40:00.000+01:00

· A xuízo dos populares este é un bo momento para estudiar esta solicitude veciñal xa que coa posta en marcha do novo hospital xeral de Lugo se revisará o Plan funcional de área

Lugo, 14 de xaneiro de 2010.- O voceiro do Grupo Municipal do Partido Popular, Jaime Castiñeira, entrevistarase este martes coa Conselleira de sanidade, Pilar Farjas para solicitar que o goberno galego realice un estudo de viabilidade para creación dun centro de saúde na parte oeste do río.

O primeiro paso será elaborar unha análise da actual situación, para comprobar cantos titulares das cartillas da Seguridade Social poderían verse beneficiados si se crea este novo servicio.

A xuízo do voceiro popular no concello de Lugo “este é o momento para dar unha pensada a esta reclamación veciñal, xa que a inauguración do novo hospital propiciará a redistribución de usos dos distintos centros e hospitais lucenses”.

Castiñeira considera que é máis eficaz tratar este asunto de forma directa coa conselleira que presentar unha iniciativa parlamentaria, dado que este mes está paralizada a actividade no Parlamento galego.

Outro asunto en carteira será o do futuro centro de saúde no barrio do Sagrado Corazón. Castiñeira indicou que ata o momento o concello non ofreceu á Xunta un terreo con calificación e condicións urbanísticas axeitadas para a citada infraestructura.

O GMPP propón que se optimicen as instalacións do edificio do seminario para usuarios con cadeiras de rodas

2010-01-14T09:42:00.001+01:00

· A concelleira popular propón que se habilite unha zona para que poidan cubrir documentos e rotulación no chan dos distintos servizos entre outras cousas

· Sofía López Linares pregunta a Basadre por qué non se cumpriu o acordo plenario unánime de hai un ano para crear o consello de maiores

Mércores, 13 de xaneiro de 2010.- O Grupo Municipal do PP presentará na comisión de benestar social, que se celebrará o vindeiro 25 de xaneiro, unha iniciativa encamiñada a mellorar a accesibilidade no edificio administrativo do concello.

A presidenta deste organismo, a concelleira Sofía López Linares, propón:

1. Baixar a altura do Punto de información cidadá para permitir a mellor visibilidade da pantalla do ordenador ás persoas que van en cadeira de rodas

2. Habilitar unha zona nova accesible para que as persoas con minusvalías cubran comodamente os impresos.

3. Estudiar o rebaixe, nun tramo do mostrador de atención ao público do padrón, e tamén deixar espazo para entrar a cadeira de rodas.

4. Rotular no chan os servizos que se realizan en cada un dos mostradores e cambiar a disposición dos carteis anunciadores para que sexan máis visibles.

5. Reparación das barras de apoio dos baños de minusválidos suxeitas con cinta adhesiva.

A xuízo da concelleira popular “a administración local debe dar exemplo, e demostrar sensibilidade con este colectivo”. As propostas que se presentan na comisión de benestar social “apenas supoñen un desembolso mínimo e é cuestión de vontade que se leven a cabo” puntualizou López Linares.

Consello municipal de maiores.-

A presidenta da comisión, Sofía López Linares, tamén pide explicacións ao goberno local sobre as xestións levadas a cabo para constituir o consello municipal de maiores.

A concelleira popular, Sofía López Linares lembra que hai un acordo plenario, de febreiro de 2009, dunha iniciativa popular na que se pedía a creación deste organismo. O prazo acordado para poñelo en marcha era de seis meses máximo, “pasou casi un ano e non hai constancia de que desen nin un paso para a súa constitución”, lamentou a concelleira popular.

O Partido Popular entende que o Consello Municipal dos maiores como unha canle permanente de participación para este segmento de idade. “Este organismo debe servir para aportar as súas achegas en calquera proposta, programa o política destinados ao seu ámbito”. Para a concelleira popular o goberno local “non está interesado en dar voz a este colectivo que representa a uns 18.000 lucenses maiores de 65 anos”.

O GMPP solicita o arranxo urxente da pista de Coeses a través de fondos FEIL

2010-01-14T09:37:00.001+01:00

· Esta pista, que leva á factoría de Novafrigsa, requeriría dunha pequena inversión
· Manuel López quere que o novo FEIL non volva ser “un derroche sen criterio técnico ningún para obras improvisadas”

Lugo, 12 de xaneiro de 2010.- O Grupo Municipal do Partido Popular solicitou hoxe o arranxo urxente da pista que enlaza Terlama e a factoría de Novafrigsa. Esta vía soporta moito tráfico pesado e leva neste “estado precario” dende fai “moitos meses”, tal como denunciou o concelleiro popular Manuel López.

O edil popular fíxose eco das reclamacións veciñais e criticou que esta obra non estivese contemplada no FEIL de 2009. López lamentou que os fondos do plan E, “tan loubados polo alcalde”, se destinasen a “obras improvisadas, sen ningún criterio técnico e seguindo só os desexos dos pedáneos”. O concelleiro pensa que “agora temos unha boa oportunidade para deixar de derrochar” e marcar unha nova ruta no plan E.

Manuel López solicitou, ademais desta mellora, a ampliación ao ancho dun tramo de 500 metros ata enlazar a vía coa estrada que une Piúgos a Cuíña. O reasfalto e a ampliación afectarían a pouco máis de 2 kilométros, co cal a inversión que requeriría “non é moi substancial”.

Escola rural e lavadoiro de Coeo.- Os populares pediron, a maiores, melloras na parroquia de Coeo, tamén no termo municipal de Lugo.

Por unha banda, Manuel López denunciou que a escola rural desta parroquia ten numerosas goteiras como consecuencia dun teito en mal estado. O concelleiro apuntou que “agora custaría pouco arranxala”, pero “o alcalde é experto en deixar para máis tarde obras que resulten máis caras co paso do tempo”. Neste senso, lembrou as escolas rurais de Santa Comba e a de San Pedro de Mera, cuxos arranxos supuxeron máis de 800.000 euros. “Con actos coma este, cada día máis xente se dá conta da nula capacidade de xestión de Orozco”, lamentou Manuel López. O concelleiro tamén advertiu de que “é mellor arranxala agora que ter unha morea de pedras despois”, ao tempo que criticou que non exista ningún protocolo de mantemento destas propiedades municipais.

O edil popular tamén recolleu as demandas dos veciños a respecto do lavadoiro, que está nun estado “lamentable”. López subliñou que “é unha obra que con pouco diñeiro se solucionaría” e sinalou tamén as dificultades de acceso ao lavadoiro.

O gmpp cualifica de “antimodelo”, propio dun goberno cada día máis autoritario, a participación cidadá de 2009

2010-01-14T09:35:00.002+01:00

· Cristina Ares pide a Orozco que desbloquee a redacción do regulamento: “a participación cidadá ao longo do pasado ano só pode calificarse como peor imposible”

· A única canle de participación que funcionou con normalidade foi a Comisión de Suxestións e Reclamacións. A súa presidenta, Cristina Ares, agradeceu o compromiso e dedicación de todas as traballadoras e todos os traballadores do Concello, sen os que nin sequera iste pequeno logro tería sido posible

Luns, 11 de xaneiro de 2010.- A Participación Cidadá no Concello de Lugo en 2009 foi todo un exemplo do que un goberno, que a lo menos respecte a participación cidadá non debería facer.

O desempeño do goberno municipal en 2009 en materia de participación cidadá só pode calificarse como “peor imposible”. Incumpriron os dous prinicipais acordos plenarios en materia de participación cidadá adoptados este mandato a iniciativa dos grupos políticos da oposición: a elección democrática de representantes das 54 parroquias rurais (3 decembro de 2007) e os orzamentos participativos (30 de xuño de 2008). Ademais, Orozco foi incapaz de sacar adiante o novo Regulamento de Participación Cidadá, necesario para adaptarse ás novidades introducidas pola Lei de grandes cidades de 2003. De feito, deixaron de convocarse reunións da Comisión encargada da elaboración da nova proposta normativa, que iniciara os seus traballos en maio de 2008.

No primeiro caso, cómpre recordar que todos os chamados “pedáneos” que desempeñan as súas funcións a día de hoxe foron elexidos democraticamente en aplicación do Regulamento de Participación Cidadá de abril de 2000, actualmente en vigor, que o Alcalde se nega agora a cumprir, argumentando que a lei non lle obriga a elexir democraticamente os “pedáneos” (aínda que a realidade é que tampouco llo prohibe e si non o fai é só porque non quere).

No segundo caso, o goberno municipal, xa non só incumpre o acordo plenario sobre orzamentos participativos (30 de xuño de 2008), adoptado grazas ao voto afirmativo de populares e nacionalistas a unha proposición presentada polo Grupo Municipal Popular, senón que trata de enganar á cidadanía chamando “orzamentos participativos” a algo que non o é, a unha mera consulta epistolar non vinculante ás asociacións veciñais. Cabe apuntar que o Concello de Ferrol iniciou en 2009 un proceso piloto de verdadeiros orzamentos participativos, que demostra que as restriccións financierias actuais dos Concellos españois non impiden a posta en marcha destas iniciativas, tan proveitosas ademais para mellorar a planificación municipal, algo que precisamente cobra especial importancia nun contexto de mengua dos ingresos municipais.

En terceiro lugar, a elaboración do novo Regulamento de Participación cidadá, converteuse en 2009 nun episodio negro da recente vida municipal. Ares considera “inxustificable que o goberno socialista deixase de convocar reunións da Comisión encargada da elaboración do novo texto simplemente por non querer asumir a posición maioritaria dos representantes políticos e veciñais na devandita Comisión”. Tras ir vencendo as múltiples resistencias do goberno de Orozco a calquer avance no novo Regulamento de Participación Cidadá, e moito tempo de traballo e esforzo por parte de tódolos membros da Comisión para ceder facilitando chegar á unanimidade artigo por artigo, os socialistas rompen a baralla ao negarse a democratizar a participación cidadá nas 54 parroquias do rural. Cómpre apuntar, que con independencia da figura dos “pedáneos”, o novo Regulamento debe definir a composición do Consello do distrito rural, no que o Alcalde se empeñaba en nomear a dedo a un número importante de representantes. Esto implicaría ademais unha discriminación das veciñas e veciños do rural fronte aos da cidade, pois, no caso dos Consellos dos dous distritos que se crearían na cidade, eses representantes serían elexidos aleatoriamente por sorteo na súa maioría, ou previo acordo de tódolos grupos políticos, o resto. Para o GMPP o señor Orozco debe explicar aos didadáns por que para el hai cidadáns de primeira (os da cidade) e de segunda (os do rural), e como e cando pensa desbloquear o proceso de elaboración do novo Regulamento de Participación Cidadá do Concello de Lugo. O GMPP proponlle, polo menos para resolver o que afecta á composición do Consello de distrito rural, que os representantes que tiña previsto nomear el a dedo, sexan elexidos nas mesas electorais das parroquias entre tódolos veciños censados en cada unha delas o mesmo día das eleccións municipais.

Comisión de suxestións e reclamacións.-
Para os populares a única excepción que se salva deste “antimodelo de participación” é que funciona con normalidade é a Comisión Especial de Suxestións e Reclamacións. A súa presidenta, Cristina Ares, agradeceu o bo facer do Secretario Xeral e os técnicos da Oficina de Participación Cidadá, así como de tódolos traballadores do Concello que dedicaron parte do seu tempo a dar resposta ás suxestións e queixas presentadas pola cidadanía.

Castiñeira recomenda a Orozco “unha cura de autocrítica”

2010-01-14T09:33:00.000+01:00

· É chamativo que esixa prazos cando é “incapaz de cumprir nin unha soa previsión das obras que depende directamente del”

· O voceiro popular recriminoulle ao alcalde que nos últimos catro anos do bipartito “estivese mudo”

Venres 8 de xaneiro de 2010.- O voceiro do Grupo Popular, Jaime Castiñeira, recomendou a Orozco que faga “autocrítica da súa xestión e que antes de esixir prazos á Xunta para o remate do novo hospital conclúa as obras que dependen directamente do concello.

Castiñeira indicou que “nin as obras de urbanización interior, nin os accesos que enlazan a ronda este co complexo hospitalario están finalizados pese a que este verán a responsable de urbanismo, María Novo, e a de economía e emprego, Sonia Méndez, visitaron a zona para anunciar o remate inmediato destes traballos.

O voceiro do Grupo Municipal do PP recriminou o repentino interese de Orozco polos prazos do novo hospital acusandoo de estar “nos últimos catro anos do bipartito mudo”.

Castiñeira aclarou que a día de hoxe se está pendente da licencia de actividad para subestación eléctrica (solicitada en decembro); también a liña de media tensión está pendente de firma de recepción por parte de industria. O único que está operativo é a liña de alta tensión.

Castiñeira indicou que o goberno de Feijóo cumprirá coa palabra dada “ao contrario que fixo o bipartito que foi incapaz de deixar nin unha soa cama licitada”. O deputado popular lembrou como o goberno do PP destina máis de 42 millóns de euros para equipamento, o 100% deste orzamento xa está licitado e o 80% está adxudicado ou e se está a executar neste momento.

O GMPP pide explicacións ao goberno local da situación da polémica urbanización das costas do parque

2010-01-14T09:28:00.001+01:00

Castiñeira: “Imos camiño dos tres meses dende que, a instancias do PP, se celebrou a única reunión co constructor e a asociación de veciños para rebaixar as alturas destas torrres”

Lugo, 8 de xaneiro de 2010.- O Grupo Municipal Popular pide explicacións ao goberno local pola parálise da comisión de traballo, que se acordou crear en outubro pasado, para rebaixar as alturas das torres das costas do parque.
O concelleiro popular Jaime Castiñeira acusa ao goberno local de "inmobilismo, falta de traballo e nulo interese en solucionar este problema urbanístico que eles mesmos provocaron coa concesión, en solitario, da licenza desta urbanización".
“Imos camiño de que se cumpran os dous meses e medio dende a última e única reunión que se convocou a instancia do PP co construtor e asociación de veciños do parque".Castiñeira puntualiza que "para convocar a primeira reunión tomáronse o seu tempo. Tardaron 16 días logo de validar o acordo do Pleno por iniciativa do PP e agora desde o 22 de outubro non moveron ficha”.
Castiñeira insistiu en que "Orozco e o seu goberno escolleron a mellor opción para o promotor e a peor para Lugo" e teme que “o interese para buscar unha solución sexa só de cara á galería”. Co obxecto de aclarar en qué situación se atopa a polémica urbanización do Garañón presentou hoxe as seguintes preguntas: ¿Cando está prevista a próxima reunión, para tratar a unidade de actuación CS-5? ¿Cales foron os traballos realizados dende a última reunión da comisión?

O GMPP propón que os 180.000 euros remanentes do Feil se utilicen para o arranxo dos viais do CEAO

2010-01-14T09:25:00.001+01:00

· Esta petición xurde logo de que o alcalde anunciase a sua intención de desviar esta partida para a concellaría de infraestructuras
· O PP suxírelle ao rexedor que invirta ese diñeiro na reforma do Ceao no lugar de poñer en marcha a supermazá, como pretende Orozco

Lugo, 8 de xaneiro de 2010.- O voceiro do GMPP, Jaime Castiñeira, proponlle ao alcalde que os 180.000 euros remanentes das obras do Plan E previstos se utilicen para arranxar os viais do Ceao que presentan un grave deterioro, especialmente os das rúas Industria e Agricultura, dúas das principias rúas do polígono industrial.

Pola contra, Orozco pretendía destinar esa cantidade á posta en marcha dunha supermazá enmarcada no plan de mobilidade. O alcalde anunciou a súa intención de invertir na concellería de Infraestruturas esta cantidade, e o PP non concibe “mellor utilización” que a que hoxe comunicaron.

Os populares fixéronlle esta mañá a petición a través dunha carta dirixida ao alcalde, xa que se o presentaban como proposicion a pleno, aínda que se chegara a un acordo, sería demasiado tarde para xustificar o gasto diante do Goberno central (os proxectos do fondo estatal deben estar concretados antes do 20 de xaneiro).

Os populares son da opinión de que o arranxo do firme destas rúas é unha obra moi necesaria xa que hai socavóns de gran tamaño que provocan situacións de risco entre os conductores que circulan polo polígono industrial e molestias aos propios industriais. Ademais, Jaime Castiñeira matizou que “hai que manter unha boa imaxe” desta infraestrutura.

O GMPP solicita a convocatoria urxente da Xunta Local de Seguridade para analizar a vaga de roubos e atracos

2010-01-14T09:21:00.001+01:00

· Enrique Rozas pídelles “coordenación e traballo duro” ao alcalde e ao subdelegado do goberno

· Un intento de atraco na praza da Soidade súmase aos roubos rexistrados na última quincena

Lugo, 7 de xaneiro de 2010.- O Grupo Municipal do Partido Popular solicitou hoxe a convocatoria urxente da Xunta Local de Seguridade para analizar a vaga de roubos e atracos. O concelleiro popular Enrique Rozas instou á “coordenación” aos máximos responsables da seguridade en Lugo, o alcalde Xosé Clemente López Orozco e o subdelegado do goberno Xosé Vázquez Portomeñe.

Un intento de atraco na praza da Soidade engádese á vaga de roubos xa denunciados nos medios de comunicación. Un señor foi asaltado a véspera de Noiteboa ás 11.30 da mañá na praza da Soidade.

Ante esta situación, Rozas solicitou que “se atallen inmediatamente estes casos” e, para iso, considera “necesario e urxente” a coordenación de corpos e forzas de seguridade do estado para garantir a seguridade da cidadanía. O concelleiro popular suxiriu a convocatoria urxente desta Xunta, na que os responsables son o alcalde coa Policía Local e o subdelegado do goberno coa Policía Nacional e a Garda Civil.

Outros roubos.- Este asalto da praza da Soidade vén a sumarse á vaga de roubos e atracos que está a sufrir a cidade. A gasolineira do Ceao, a cafetería do hospital Xeral, roubos en distintas vivendas da cidade e varios supermercados da zona da Milagrosa xa foron escenarios destes asaltos. Rozas lembrou as denuncias que xa fixera o PP a propósito de roubos de diñeiro na Policía Local e de ordenadores nos despachos do edificio consistorial.

O GMPP reclama o arranxo urxente dunha varanda de protección na ronda do Carme

2010-01-13T18:41:00.000+01:00

Lugo, 6 de xaneiro de 2010.- O Grupo Municipal do Partido Popular solicita ao goberno local que repare a varanda situada na Ronda da Muralla á altura do xardín do Carme. Unha das travesas da infraestrutura está arrincada, polo que non protexe dunha pendente de varios metros, co conseguinte risco de caída de nenos.

Os populares advirten que se trata dunha zona frencuentada por menores, dado que se atopa nas inmediacións do Colexio San José. A instancias das peticións dos veciños, o GMPP insta ao equipo de goberno a resolver, canto antes, este problema.

O GMPP amósase escéptico cun Plan de Mobilidade que cre necesario

2010-01-13T18:39:00.000+01:00

· O escepticismo vén marcado pola “mala xestión” do alcalde en eixes fundamentais para o Plan, coma o funcionamento da Policía Local
· O PP propón a creación dun único foro en lugar dos tres que pretende o equipo de goberno para a análise e debate do documento

Lugo, 5 de xaneiro de 2010.- O GMPP amosou o seu escepticismo ante o Plan de Mobilidade, logo da reunión que mantiveron os tres voceiros da corporación municipal esta mañá.

O voceiro do PP Jaime Castiñeira expresou a súa preocupación, xa que “coa experiencia de xestión do alcalde, non podemos ser optimistas”.

Castiñeira instou a López Orozco a resolver “problemas prioritarios para este plan”, como a reordenación do transporte público para mellorar a súa eficacia, a sala de Control do Tráfico e o funcionamento da Policía Local. Despois de analizar isto, “xa se porá en marcha o resto de aspectos do Plan de Mobilidade”, matizou o líder popular, quen salientou que “tiveron que vir uns señores de Barcelona (en referencia aos redactores do Plan) para darlle a razón ao PP nas súas reclamacións”.

Proposta Partido Popular.- O GMPP pediu hoxe ao goberno local que reconsidere a súa idea de crear tres foros para analizar este documento. Jaime Castiñeira considera “absurdo separar tráfico e peonalización, de transporte urbano e de espazos urbanos”. A visión dos populares é moito máis práctica: crear un único foro coa idea de desenvolver este documento.

O comité local de Lugo abre ano político cun compromiso de traballo duro na rúa

2010-01-13T18:37:00.000+01:00

Lugo, 4 de xaneiro de 2010.- Esta tarde quedou constituído o comité local do PP de Lugo que preside dende o pasado 12 de decembro Jaime Castiñeira. Entre outros cargos do partido asistiu ao encontro o Presidente Provincial do PP de Lugo, José Manuel Barreiro.

Na reunión, que se celebrou ás oito da tarde no Gran Hotel, quedaron ratificados os acordos tomados no Congreso Local. Trátase do punto de partida da “forma de facer política de rúa” que anunciou no Congreso local Jaime Castiñeira.

O comité Executivo local, cunha media de idade de 41 anos, está composto por “un equipo de xente optimista, emprendedora e con ilusión, capaz de deseñar un futuro mellor para a nosa cidade”, salientou o presidente local.

Traballo na rúa.- O novo presidente da Xunta Local de Lugo expresou o seu desexo de traballar “a pé de rúa” nos diferentes barrios. Jaime Castiñeira comprometeuse a celebrar reunións cunha periodicidade fixada de acordo ás demandas dos cidadáns. A intención do Comité Local é chegar “ata o último cidadán”, polo que incluso se dividirán os barrios en diferentes sectores de traballo para poder contactar con todos os lucenses. Estes grupos de traballo veranse respaldados polos equipos de estudo específicos cos que conta o partido.

Novas Comisións.- O Comité Local aprobou a posta en marcha de dúas novas comisións de estudo, as de Comercio e de Tráfico. Jaime Castiñeira entende que ámbalas dúas son “algunhas das principais preocupacións que teñen os lucenses”. Estes organismos súmanse ás outras comisións xa anunciadas, as de Novas Tecnoloxías, Senior e Turismo asi como na de sanidade e educación que xa funcionan a nivel provincial.

O voceiro local aproveitou o Comité para denunciar o “abandono ao que condena o alcalde a certos sectores” da cidade. Jaime Castiñeira apuntou tamén que “é unha proba máis da falta de xestión de Orozco” e animou a “todos os populares” para “desenmascarar aos socialistas lucenses” e, deste xeito, levar ao Partido Popular á alcaldía da cidade.

¿Gastos sociais ou socialistas?

2010-01-13T18:35:00.000+01:00

Que o alcalde de Lugo pida aos Magos de Oriente investimentos para o Concello non deixa de ser unha ironía cando acaba de aprobar, co beneplácito do BNG, uns orzamentos que destinan o 80% dos ingresos a gastos fixos, reservando 3.200.000 euros para gastos diversos e propaganda,e destinando tan só 2.200.000 euros, de fondos propios, para investimentos.

Tanto socialistas como nacionalistas din estar “ilusionados” coa idea de aumentar o gasto social. Uns e outros buscan confundir á cidadanía cun espexismo. Por desgraza, nos cinco pilares fundamendais do gasto en persoas, os orzamentos de 2010 prevén un recurte moi significativo: fomento de emprego, 66,71% menos; asistencia social, 20% menos; educación, 8,7% menos; cultura, 11% menos; e deportes, 30% menos. ¿onde está o aumento do que falan?

Ademais de pouco inversores, os orzamentos de Orozco son ficticios. ¿Quen se pode crer, por poñer un exemplo, que en 2010 se incrementará a recadación do IBI nun 6,6%, o que se traducirá nun aumento do número de vivendas en 5.250? ou ¿quen pode crer que o Imposto de actividades económicas sufrirá un aumento do 30% coa actual crise económica?.

O cálculo pouco realista de ingresos nos preocupa xa que si se produce unha desviación de máis do 2% non haberá fondos suficientes para pagar os gastos fixos.

En definitiva, o Partido Popular non pode apoiar unhas contas feitas á medida do señor Alcalde e dun goberno sen ideas, un goberno esgotado que vai deixar hipotecado o futuro dos lucenses pola súa falta de planificación e pola súa mala xestión.

A ilusión vale cando a realidade a toma da man, mentres tanto aquel que se dedica a alimentala non é máis que un irresponsable que xoga e pon en perigo aos que o rodean por cumprir o seu capricho de vivir nun espexismo.